Íslenska landsliðið spilar tvo leiki við Litháen í umspili um sæti í lokaúrslitum HM sem fara fram í Þýskalandi og Danmörku í upphafi næsta árs.
Tveir Eyjamenn voru í æfingahópnum en duttu báðir út. Markvörðurinn Aron Rafn Eðvarðsson er meiddur og hornamaðurinn Theodór Sigurbjörnsson kemst ekki í hópinn.
Þrír markahæstu leikmenn Eyjaliðsins í úrslitakeppninni í ár, Sigurbergur Sveinsson (40 mörk í 9 leikjum), Róbert Aron Hostert (38 mörk í 9 leikjum) og Kári Kristján Kristjánsson (36 mörk í 9 leikjum) voru ekki valdir í 30 manna æfingahóp.
Fjórir leikmenn úr Olís deild karla komast í hópinn en það eru markverðirnir Ágúst Elí Björgvinsson (FH) og Björgvin Páll Gústavsson (Haukar), vinstri skyttan Daníel Þór Ingason (Haukar) og Selfyssingurinn Elvar Örn Jónsson.
Haukarnir eiga tvo leikmenn í hópnum en ÍBV vann Hauka einmitt 3-0 í undanúrslitum úrslitakeppninnar á dögunum.
16 manna hópurinn er klár fyrir leikinn gegn Litháen í Vilnius.
— HSÍ (@HSI_Iceland) June 6, 2018
Blaðamannafundinn má sjá hér:https://t.co/T8wZZS2qDe
Litháen – Ísland beint @ruvithrottir
Föstudag
16:00
ÁFRAM ÍSLAND! #strakarnirokkar #handbolti pic.twitter.com/K9RzZRj7F9