Ætla sér að perla nýtt Íslandsmet

Á laugardag ætla Tólfan og Kraftur, stuðningsfélag fyrir ungt fólk með krabbamein og aðstandendur, að freista þess að setja Íslandsmet í að perla armbönd á Laugardalsvelli. Áhugasamir eru hvattir til að taka þátt. Armböndin eru alfarið seld til stuðnings Krafti.

Í janúar var sett Íslandsmet í perlun er 3.972 armbönd voru perluð í Hörpu. „Við hjá Krafti erum virkilega þakklát Tólfunni fyrir að taka þátt í þessu verkefni með okkur,“ segir Hulda Hjálmarsdóttir, framkvæmdastjóri Krafts.