Fyrrum leikmaður Packers myrtur

Fyrrum varnarmaður NFL-liðsins Green Bay Packers, Carlos Gray, var myrtur á heimili sínu í Alabama í gær.

Gray var skotinn til bana en morðið er talið tengjast átökum í fíkniefnaheiminum. Á heimili Gray fundust skotvopn, talsvert magn af  maríjúana og vigtir. Gray hafði áður komist í kast við lögin vegna fíkniefnamála.

Í morgun var svo tveimur mönnum rænt en það mál er sagt tengjast morðinu á Gray.

„Það er mikil vinna eftir en við munum komast til botns í þessu. Á endanum mun það koma í ljós að þetta snýst allt um fíkniefni og peninga,“ sagði talsmaður lögreglunnar.