Tómas leiðir Miðflokkinn í Árborg

Tómas Ellert Tómasson, byggingarverkfræðingur, verður oddviti Miðflokksins í Árborg í komandi sveitarstjórnarkosningum. 

Guðrún Jóhannsdóttir, vðskiptafræðingur og fyrrverandi sveitarstjórnarfulltrúi í Dalabyggð og Sólveig Pálmadóttir, hársnyrtimeistari, skipa 2. og 3. sæti listans en þetta er í fyrsta sinn Miðflokkurinn býður fram í sveitarstjórnarkosningum í Árborg.

„Framboðslistinn samanstendur af fólki sem hefur mikla reynslu af sveitarstjórnarmálum, félagsmálum og úr atvinnulífinu. Á framboðslistanum er fólk sem er fætt hér á svæðinu og uppalið; fólk sem er nýflutt í sveitarfélagið og fólk af erlendum uppruna. Stefnumál M-lista Miðflokksins í Árborg verða kynnt á næstu dögum,“ segir í tilkynningu frá Miðflokknum í Árborg.

1. Tómas Ellert Tómasson - Byggingarverkfræðingur og verkefnastjóri hjá Reykjavíkurborg

2. Guðrún Jóhannsdóttir - Viðskiptafræðingur og f.v. sveitarstjórnarfulltrúi í Dalabyggð

3. Solveig Pálmadóttir - B.s. í viðskiptalögfræði og hársnyrtimeistari

4. Ari Már Ólafsson - Húsasmíðameistari

5. Erling Magnússon - Lögfræðingur

6. Sverrir Ágústsson - Félagsliði á réttargeðdeild LSH

7. Arnar Hlynur Ómarsson - Bifvélavirki

8. Ívar Björgvinsson - Vélvirki

9. Jóhann Rúnarsson - Starfsmaður Sólningar

10. Jón Ragnar Ólafsson - Atvinnubílstjóri

11. Arkadiusz Piotr Kotecki - Starfsmaður BYKO

12. Jóhann Norðfjörð Jóhannesson - Stýrimaður og byssusmiður

13. Birgir Jensson - Sölumaður

14. Sólveig Guðjónsdóttir - Starfsmaður Sv.f. Árborgar

15. Sigurbjörn Snævar Kjartansson - Verkamaður

16. Guðmundur Marías Jensson - Tæknimaður og formaður stangaveiðifélags Selfoss

17. Hafsteinn Kristjánsson - Bifvélavirki

18. Guðmundur Kristinn Jónsson - Heiðursformaður HSK og fyrrverandi bæjarfulltrúi