Antonio Hester klár í úrslitin með Tindastól

Antonio Hester er ekki illa meiddur á ökkla og mun geta leikið með Tindastól í úrslitum Domino's deildar karla í körfubolta. Hester þurfti að fara af velli í leik Tindastóls gegn ÍR í gær eftir að hafa lent illa á ökklanum.

Þetta staðfesti Hester við Auðun Blöndal, stuðningsmann Tindastóls á Twitter í dag.

The ankle is good just some swelling nothing serious.. I will be ready for finals!!!!

— Antonio Hester (@Big_Hess) April 14, 2018

„Ökklin er í lagi, bara bólginn, ekkert alvarlegt. Ég verð klár í úrslitin,“ sagði Hester.

Þetta eru góðar fréttir fyrir Tindastól en Hester er einn af lykilmönnum liðsins. Tindastóll mun annað hvort mæta KR eða Haukum í úrslitum, en KR-ingar geta tryggt sér sæti í úrslitunum með sigri á Haukum í kvöld.