Datt á 115 km/h en ætlar sér gull á ÓL í PyeongChang Henry Birgir Gunnarsson skrifar 9. mars 2018 13:00 Wild skíðar um 2-3 metra á undan Knight í appelsínugulri úlpu sem hún greinir stundum. Hann talar svo við hana í gegnum blutetooth heyrnartól. vísir/getty Hin 19 ára gamla breska skíðakona Millie Knight er ansi mögnuð. Þessi óttalausa, blinda stúlka er mætt á sína aðra Vetrarólympíuleika í Suður-Koreu og ætlar sér stóra hluti. Knight er aðeins með fimm prósent sjón. Sér tvo metra fram fyrir sig enn í móðu. Til þess að komast niður brekkuna þarf hún aðstoð leiðbeinanda síns, Brett Wild. Hann skíðar á undan henni í appelsínugulri úlpu svo á stundum nær hún aðeins að greina hvar hann er. Þau tala svo saman í gegnum bluetooth heyrnartól. Fyrir nokkrum mánuðum unnu þau fyrsta gull Breta í alpatvíkeppni blindra á HM. Það gull endaði þó með stórslysi þar sem Knight náði ekki að stöðva sig er hún kom í mark á 115 km/h. Hún klessti harkalega á og stórslasaði sig.Blóð út um allt „Ég sá strax hversu slæmt þetta var. Ég heyrði í henni öskra í eyranu á mér. Það var blóð út um allt og hún lá í snjónum eins og tuskudúkka eftir fallið,“ sagði Wild um þessa ömurlegu upplifun. Knight slapp ótrúlega vel. Þó svo blóðið hafi verið mikið fékk hún aðeins skurði og mar. Hún náði því til baka á keppnisstað fyrir verðlaunaafhendinguna. Fyrir rúmu ári síðan lenti Knight svo aftur í slysi og aftur datt hún eftir að hafa verið komin í gegnum endamarkið. Hún fékk þá heilahristing og eftir það glímdi hún við kvíða og fór að hætta að mæta í fjallið. Hún komst þó yfir það að lokum.Hér að neðan má sjá Knight á ÓL í Sotsjí.Alltaf óttalaus Foreldrar Knight segja að dóttir þeirra hafi alltaf verið óttalaus. Hún fór fyrst á skíði er hún var aðeins sex ára gömul. Mamma hennar setti hana á námskeið og sagði þjálfurunum ekki frá því að dóttir hennar væri blind. Stúlkan hlustaði bara vel á þjálfarana og náði einhvern veginn að skíða sig í gegnum þetta. Foreldrar hennar fóru svo margoft með hana í skíðaferðalög. Þau vildu að hún fengi að upplifa hraða því ekki kemur hún til með að hjóla eða keyra í lífinu. Árið 2013 komst hún í afrekshóp Breta og aðeins 15 ára gömil var Knight komin á ÓL í Sotsjí þar sem hún var fánaberi enda yngsti keppandi Breta frá upphafi á leikunum.Fann nýjan leiðbeinanda í hernum Eftir leikana í Sotsjí missti hún leiðbeinanda sinn og upphófst þá löng leit að nýjum leiðbeinanda. Hún prófaði átta leiðbeinendur en fann ekki tengingu. Þá var henni bent á ungan Skota, Brett Wild, sem var í breska sjóhernum en hafði alist upp á skíðum og þótti mjög efnilegur á sínum tíma.Millie Knight í myndatöku fyrir leikana.vísir/gettyWild hafði aftur á móti engu reynslu af því að vera leiðbeinandi fyrir blinda. Hann var til í að prófa og þau náðu mjög vel saman. „Mér var tjáð að líf hennar væri í mínum höndum þar til hún væri farin úr skíðunum,“ sagði Wild sem fékk tveggja ára leyfi frá hernum til þess að aðstoða Knight. Sá tími rennur út fljótlega eftir leikana og því ætla þau að enda á toppnum í PyeongChang. Með gull um hálsinn. Lesa má meira um hina mögnuðu Knight í frábærri umfjöllun BBC. Ólympíuleikar Vetrarólympíuleikar 2018 í PyeongChang Mest lesið Bíll Shaquille O'Neal enn ófundinn Körfubolti Óskar Hrafn fer ekki fet Íslenski boltinn Hákon Rafn hélt hreinu þegar Brentford flaug áfram Enski boltinn Spánn og Þýskaland mætast í úrslitum Fótbolti Verstappen telur sig ekki geta barist um titilinn Formúla 1 Anguissa hetja meistaranna Fótbolti Dagskráin í dag: Íslenskur körfubolti í sviðsljósinu Sport Martin öflugur í góðum sigri Körfubolti Jón Dagur gulltryggði sigurinn með sínu fyrsta marki Fótbolti Leikið á Þróttaravelli á miðvikudag Fótbolti Fleiri fréttir FH bíður með að tilkynna nýjan þjálfara Bíll Shaquille O'Neal enn ófundinn Dagskráin í dag: Íslenskur körfubolti í sviðsljósinu Óskar Hrafn fer ekki fet Spánn og Þýskaland mætast í úrslitum Anguissa hetja meistaranna Hákon Rafn hélt hreinu þegar Brentford flaug áfram Martin öflugur í góðum sigri Verstappen telur sig ekki geta barist um titilinn Jón Dagur gulltryggði sigurinn með sínu fyrsta marki Leikið á Þróttaravelli á miðvikudag Vinícius Júnior íhugar að yfirgefa Real Madríd Kaupir sér tveggja milljarða króna hús Alexander Máni með fimm mörk í tveimur leikjum og Ísland áfram Birnir frá Akureyri í Garðabæ Klobbaði íslensku strákana og fór á flug á netmiðlum Teitur inn í landsliðið Hættir með Fram Landsliðskonur aðstoðuðu ökumenn í vanda Öllum leikjum Bónus-deildar kvenna í kvöld frestað Arnar skilur ekkert í Tottenham Landsleiknum aflýst og framhaldið óljóst Bardagakapparnir vilja ólmir fá að keppa í Hvíta húsinu Segir að Slot verði að taka tvo leikmenn út úr Liverpool-liðinu Vonast til að komast í Kórinn: „Menn hafa aldrei séð annað eins“ Markvörður Inter banaði háöldruðum manni í hjólastól „Alltaf gaman að fá nýjar raddir inn“ Gleðifréttir fyrir Argentínumenn: Messi vill spila á HM „Sagan hefur sýnt það að ég er góður að þjálfa unga og efnilega leikmenn“ Stöðufundur í Laugardal klukkan 10:30 Sjá meira
Hin 19 ára gamla breska skíðakona Millie Knight er ansi mögnuð. Þessi óttalausa, blinda stúlka er mætt á sína aðra Vetrarólympíuleika í Suður-Koreu og ætlar sér stóra hluti. Knight er aðeins með fimm prósent sjón. Sér tvo metra fram fyrir sig enn í móðu. Til þess að komast niður brekkuna þarf hún aðstoð leiðbeinanda síns, Brett Wild. Hann skíðar á undan henni í appelsínugulri úlpu svo á stundum nær hún aðeins að greina hvar hann er. Þau tala svo saman í gegnum bluetooth heyrnartól. Fyrir nokkrum mánuðum unnu þau fyrsta gull Breta í alpatvíkeppni blindra á HM. Það gull endaði þó með stórslysi þar sem Knight náði ekki að stöðva sig er hún kom í mark á 115 km/h. Hún klessti harkalega á og stórslasaði sig.Blóð út um allt „Ég sá strax hversu slæmt þetta var. Ég heyrði í henni öskra í eyranu á mér. Það var blóð út um allt og hún lá í snjónum eins og tuskudúkka eftir fallið,“ sagði Wild um þessa ömurlegu upplifun. Knight slapp ótrúlega vel. Þó svo blóðið hafi verið mikið fékk hún aðeins skurði og mar. Hún náði því til baka á keppnisstað fyrir verðlaunaafhendinguna. Fyrir rúmu ári síðan lenti Knight svo aftur í slysi og aftur datt hún eftir að hafa verið komin í gegnum endamarkið. Hún fékk þá heilahristing og eftir það glímdi hún við kvíða og fór að hætta að mæta í fjallið. Hún komst þó yfir það að lokum.Hér að neðan má sjá Knight á ÓL í Sotsjí.Alltaf óttalaus Foreldrar Knight segja að dóttir þeirra hafi alltaf verið óttalaus. Hún fór fyrst á skíði er hún var aðeins sex ára gömul. Mamma hennar setti hana á námskeið og sagði þjálfurunum ekki frá því að dóttir hennar væri blind. Stúlkan hlustaði bara vel á þjálfarana og náði einhvern veginn að skíða sig í gegnum þetta. Foreldrar hennar fóru svo margoft með hana í skíðaferðalög. Þau vildu að hún fengi að upplifa hraða því ekki kemur hún til með að hjóla eða keyra í lífinu. Árið 2013 komst hún í afrekshóp Breta og aðeins 15 ára gömil var Knight komin á ÓL í Sotsjí þar sem hún var fánaberi enda yngsti keppandi Breta frá upphafi á leikunum.Fann nýjan leiðbeinanda í hernum Eftir leikana í Sotsjí missti hún leiðbeinanda sinn og upphófst þá löng leit að nýjum leiðbeinanda. Hún prófaði átta leiðbeinendur en fann ekki tengingu. Þá var henni bent á ungan Skota, Brett Wild, sem var í breska sjóhernum en hafði alist upp á skíðum og þótti mjög efnilegur á sínum tíma.Millie Knight í myndatöku fyrir leikana.vísir/gettyWild hafði aftur á móti engu reynslu af því að vera leiðbeinandi fyrir blinda. Hann var til í að prófa og þau náðu mjög vel saman. „Mér var tjáð að líf hennar væri í mínum höndum þar til hún væri farin úr skíðunum,“ sagði Wild sem fékk tveggja ára leyfi frá hernum til þess að aðstoða Knight. Sá tími rennur út fljótlega eftir leikana og því ætla þau að enda á toppnum í PyeongChang. Með gull um hálsinn. Lesa má meira um hina mögnuðu Knight í frábærri umfjöllun BBC.
Ólympíuleikar Vetrarólympíuleikar 2018 í PyeongChang Mest lesið Bíll Shaquille O'Neal enn ófundinn Körfubolti Óskar Hrafn fer ekki fet Íslenski boltinn Hákon Rafn hélt hreinu þegar Brentford flaug áfram Enski boltinn Spánn og Þýskaland mætast í úrslitum Fótbolti Verstappen telur sig ekki geta barist um titilinn Formúla 1 Anguissa hetja meistaranna Fótbolti Dagskráin í dag: Íslenskur körfubolti í sviðsljósinu Sport Martin öflugur í góðum sigri Körfubolti Jón Dagur gulltryggði sigurinn með sínu fyrsta marki Fótbolti Leikið á Þróttaravelli á miðvikudag Fótbolti Fleiri fréttir FH bíður með að tilkynna nýjan þjálfara Bíll Shaquille O'Neal enn ófundinn Dagskráin í dag: Íslenskur körfubolti í sviðsljósinu Óskar Hrafn fer ekki fet Spánn og Þýskaland mætast í úrslitum Anguissa hetja meistaranna Hákon Rafn hélt hreinu þegar Brentford flaug áfram Martin öflugur í góðum sigri Verstappen telur sig ekki geta barist um titilinn Jón Dagur gulltryggði sigurinn með sínu fyrsta marki Leikið á Þróttaravelli á miðvikudag Vinícius Júnior íhugar að yfirgefa Real Madríd Kaupir sér tveggja milljarða króna hús Alexander Máni með fimm mörk í tveimur leikjum og Ísland áfram Birnir frá Akureyri í Garðabæ Klobbaði íslensku strákana og fór á flug á netmiðlum Teitur inn í landsliðið Hættir með Fram Landsliðskonur aðstoðuðu ökumenn í vanda Öllum leikjum Bónus-deildar kvenna í kvöld frestað Arnar skilur ekkert í Tottenham Landsleiknum aflýst og framhaldið óljóst Bardagakapparnir vilja ólmir fá að keppa í Hvíta húsinu Segir að Slot verði að taka tvo leikmenn út úr Liverpool-liðinu Vonast til að komast í Kórinn: „Menn hafa aldrei séð annað eins“ Markvörður Inter banaði háöldruðum manni í hjólastól „Alltaf gaman að fá nýjar raddir inn“ Gleðifréttir fyrir Argentínumenn: Messi vill spila á HM „Sagan hefur sýnt það að ég er góður að þjálfa unga og efnilega leikmenn“ Stöðufundur í Laugardal klukkan 10:30 Sjá meira