„Ég var mjög hugsi yfir þessu excel-skjali“ Sunna Kristín Hilmarsdóttir skrifar 31. janúar 2018 11:05 Sigríður Á. Andersen, dómsmálaráðherra, á fundi nefndarinnar í morgun. vísir/eyþór Sigríður Á. Andersen, dómsmálaráðherra, segir að það hafi aldrei hvarflað að sér að dómnefnd um hæfi umsækjenda um embætti dómara við Landsrétt myndi komast að þeirri niðurstöðu að akkúrat 15 einstaklingar væru hæfastir í þær 15 stöður sem skipa þurfti við dóminn. Ráðherra segist hafa verið „mjög hugsi“ yfir excel-skjali sem dómnefndin lagði til grundvallar niðurstöðu sinni þar sem um mjög hlutlægt mat hafi verið að ræða þar sem umsækjendum voru gefnar einkunnir í þeim þáttum sem mat nefndarinnar skyldi byggt á. Þá sé það „klárlega“ svo að Alþingi beri ábyrgð á skipuninni þar sem þingið hafi samþykkt tillögu hennar um skipun dómara en Sigríði var skylt samkvæmt bráðabirgðaákvæði í lögum um dómstóla að leggja tillöguna fyrir þingið, hvort sem hún myndi breyta tillögu dómnefndarinnar eða ekki. Þetta kom fram á opnum fundi Sigríðar með stjórnskipunar-og eftirlitsnefnd Alþingis sem nú stendur. Þar svarar Sigríður fyrir verklag og ákvarðanir sínar við skipan dómara í Landsrétt. Hæstiréttur komst að þeirri niðurstöðu í desember að ráðherrann hefði brotið stjórnsýslulög við skipunina þar sem ráðherra hefði ekki rannsakað málið nægilega vel. Gunnlaugur Claessen var formaður dómnefndarinnar sem lagði mat á hæfi umsækjenda um dómarastöður við Landsrétt.vísir/stefán Spurði hvort einkunnagjöfin væri heppilegasti mælikvarðinn Ráðherra lýsti því á fundinum í morgun að hún hefði rætt við formann nefndarinnar, Gunnlaug Claessen, þegar nefndinni skilaði drögum að umsögn sinni með nöfnum þeirra 15 einstaklinga sem hún mat hæfasta. Sigríður sagði Gunnlaug hafa lýst því fyrir henni hvernig nefndin hefði tekið viðtöl við umsækjendur og hvernig málið hefði verið unnið í nefndinni. „Mönnum er gefin einkunn og mér er sýnt einkunnaspjald eða excel-skjal og þessu er lýst sem mjög hlutlægu mati og ég skynja það að það hafi fram mjög hlutlægt mat á umsækjendum. Ég spurði hvort að þetta væri heppilegasti mælikvarðinn á hæfi umsækjenda sem er með svona rosalega hlutlægum hætti,“ sagði Sigríður og bætti við að einkunnagjöfin væri þannig að hún vekti spurningar. Þannig fengi einn umsækjandi einkunnina 10 fyrir menntun á meðan annar fengi 1 þrátt fyrir að hann uppfyllti að öðru leyti þau skilyrði sem snúa að menntun vegna starfsins. Eftir að drögin að umsögn lágu fyrir fengu umsækjendur viku til andmæla en nefndin gerði enga breytingu á tillögu sinni þrátt fyrir andmæli ýmissa umsækjenda. „Ég heyrði alls konar sjónarmið en það sem stóð upp úr var það að mér var alveg ljóst að þessi listi yrði aldrei samþykktur óbreyttur hér á þinginu,“ sagði Sigríður Á. Andersen, dómsmálaráðherra, á fundi stjórnskipunar-og eftirlitsnefndar um Landsréttarmálið í dag.vísir/ERNIR Var ljóst að tillaga nefndarinnar yrði aldrei samþykkt óbreytt á þingi Sigríður lýsti þá næsta skrefi sínu, í ljósi þess að hún þyrfti að leggja tillöguna fyrir Alþingi, hvort sem hún myndi fara eftir tillögu nefndarinnar eða ekki. „Ákvörðunarvaldið er klárlega í höndum Alþingis þannig að ég ræddi við formenn allra flokka því ég vildi heyra sjónarmið þeirra um þennan lista [dómnefndarinnar]. Ég heyrði alls konar sjónarmið en það sem stóð upp úr var það að mér var alveg ljóst að þessi listi yrði aldrei samþykktur óbreyttur hér á þinginu.“ Ráðherra fór því að skoða málið. „Ég hlustaði á sjónarmið formanna flokka, fór yfir andmælin og skoðaði þetta heildstætt. Ég var mjög hugsi yfir þessu excel-skjali og þessu gríðarlega hlutlæga mati sem var lagt til grundvallar og hafði greinilega ekki alltaf verið lagt til grundvallar [við skipan dómara],“ sagði Sgiríður og benti á að afar lítill munur hefði verið á þeim sem dómnefndin mat 15. hæfasta og 16. hæfasta. Þá vakti ráðherra jafnframt athygli á því að nefndin tók það sérstaklega fram í umsögn sinni að hún gerði ekki upp á milli þeirra 15 sem hún gerði tillögu um að yrðu skipaðir. Nefndin sjálf byggði því ekki á skorblaðinu við mat á því hver væri hæfastur, næsthæfastur og svo koll af kolli. „Ég nefni þetta því það hefur verið umræða um það að ráðherra hafi tekin einhvern úr einhverju sæti og sett annan úr einhverju öðru sæti en nefndin sjálf leit ekki á þetta sem sæti,“ sagði Sigríður. Landsréttur er til húsa í Kópavogi.vísir/anton brink „Þingið var í stakk búið til að hafna tillögu minni eða samþykkja“ Hún vék síðan að rannsóknarreglunum og rannsóknarskyldu sinni og nefndi að hún hefði aðeins haft tvær vikur til að vinna málið ef hún vildi breyta tillögu nefndarinnar. Sigríður sagði að henni hefði verið alveg ljóst að rannsóknarreglur stjórnsýslulaga giltu um öll störf ráðherra og ættu líka við í þessu máli. Þess vegna ræddi hún við formenn allra flokka, fór yfir andmæli, umsóknir og öll önnur gögn málsins auk þess sem hún taldi rétt og skylt að byggja á vinnu nefndarinnar. Sigríður sagði að túlka yrði rannsóknarregluna í ljósi aðstæðna. Það að ráðherra hefði aðeins tvær vikur til að fara yfir málið segði mikið um það hversu mikil rannsóknarskylda væri lögð á herðar ráðherra. „Líka það að þingið fer með ákvörðunarvaldið og þingið var í stakk búið til að hafna tillögu minni eða samþykkja.“ Ráðherra ákvað á endanum að dómarareynsla fengi meira vægi þegar hún mat umsækjendur og lagði þá umsækjendur sem höfðu áratuga athugasemdalausa dómarareynslu að jöfnu við þá 15 sem dómnefndin mat hæfasta. Þá voru 24 umsækjendur orðnir hæfastir til starfans og úr þeim hópi valdi ráðherra þá sem hún gerði tillögu um til þingsins. Helga Vala Helgadóttir, þingmaður Samfylkingarinnar og formaður stjórnskipunar- og eftirlitsnefndar Alþingis.VÍSIR/HANNA Ekki heyrt því haldið fram að þetta væri ómálefnalegt „Ég hef ekki heyrt því haldið fram að þetta sé ómálefnalegt heldur lágu málefnaleg sjónarmið að baki. Að mínu mati skoðaði ég málið eins og hægt var og gerði þessa tillögu,“ sagði Sigríður í framsögu sinni á fundi stjórnskipunar-og eftirlitsnefndar í morgun en nefndarmenn fengu svo tækifæri til að spyrja ráðherra nánar út í málið. Helga Vala Helgadóttir, formaður nefndarinnar og þingmaður Samfylkingarinnar, spurði þannig ráðherra hvort það væri enn hennar skoðun að Alþingi bæri ábyrgð á skipuninni en því var haldið fram í málsvörn ríkisins fyrir dómstólum að málaferlin ættu ekki að beinast að ráðherra heldur þinginu. „Já, það er ekki bara mín skoðun heldur kemur fram í Stjórnskipunarrétti Bjargar Thorarensen að Alþingi hefur ákvörðunarvaldið. [...] Alþingi klárlega ber ábyrgðina á skipuninni og þingið hefði getað gert hvað sem er,“ svaraði ráðherra. Dómstólar Landsréttarmálið Tengdar fréttir Segist þegar hafa axlað pólitíska ábyrgð Skipun dómara í Landsrétt var ekki í samræmi við ráðleggingar sérfræðinga innan stjórnsýslunnar. Þannig var Sigríður Andersen dómsmálaráðherra vöruð við því að víkja frá niðurstöðu hæfisnefndar án þess að leggja sjálfstætt mat á umsækjendur. 22. janúar 2018 20:52 Birtir öll samskipti við umboðsmann Alþingis Sigríður Á. Andersen dómsmálaráðherra hefur þegar svarað umboðsmanni Alþingis sem óskaði eftir upplýsingum um ráðgjafa ráðherrans við skipan dómara við Landsrétt. Hún ætlar sér að birta öll samskipti sín við umboðsmann. 24. janúar 2018 06:00 Sérfræðingar í dómsmálaráðuneytinu vöruðu Sigríði við Íslenska ríkið gæti þurft að greiða á annað hundruð milljón krónur í skaðabætur vegna ákvörðunar dómsmálaráðherra. 22. janúar 2018 10:46 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Tuttugu konur saka Mohamed Al Fayed um kynferðisofbeldi Erlent 20 létust og 450 slösuðust þegar talstöðvarnar sprungu Erlent Vitorðsmaður viðurkennir að hafa gert það sama og Pelicot Erlent Sjálfsagt að skoða að semja við önnur ríki um að hýsa erlenda fanga Innlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Sigríður Á. Andersen, dómsmálaráðherra, segir að það hafi aldrei hvarflað að sér að dómnefnd um hæfi umsækjenda um embætti dómara við Landsrétt myndi komast að þeirri niðurstöðu að akkúrat 15 einstaklingar væru hæfastir í þær 15 stöður sem skipa þurfti við dóminn. Ráðherra segist hafa verið „mjög hugsi“ yfir excel-skjali sem dómnefndin lagði til grundvallar niðurstöðu sinni þar sem um mjög hlutlægt mat hafi verið að ræða þar sem umsækjendum voru gefnar einkunnir í þeim þáttum sem mat nefndarinnar skyldi byggt á. Þá sé það „klárlega“ svo að Alþingi beri ábyrgð á skipuninni þar sem þingið hafi samþykkt tillögu hennar um skipun dómara en Sigríði var skylt samkvæmt bráðabirgðaákvæði í lögum um dómstóla að leggja tillöguna fyrir þingið, hvort sem hún myndi breyta tillögu dómnefndarinnar eða ekki. Þetta kom fram á opnum fundi Sigríðar með stjórnskipunar-og eftirlitsnefnd Alþingis sem nú stendur. Þar svarar Sigríður fyrir verklag og ákvarðanir sínar við skipan dómara í Landsrétt. Hæstiréttur komst að þeirri niðurstöðu í desember að ráðherrann hefði brotið stjórnsýslulög við skipunina þar sem ráðherra hefði ekki rannsakað málið nægilega vel. Gunnlaugur Claessen var formaður dómnefndarinnar sem lagði mat á hæfi umsækjenda um dómarastöður við Landsrétt.vísir/stefán Spurði hvort einkunnagjöfin væri heppilegasti mælikvarðinn Ráðherra lýsti því á fundinum í morgun að hún hefði rætt við formann nefndarinnar, Gunnlaug Claessen, þegar nefndinni skilaði drögum að umsögn sinni með nöfnum þeirra 15 einstaklinga sem hún mat hæfasta. Sigríður sagði Gunnlaug hafa lýst því fyrir henni hvernig nefndin hefði tekið viðtöl við umsækjendur og hvernig málið hefði verið unnið í nefndinni. „Mönnum er gefin einkunn og mér er sýnt einkunnaspjald eða excel-skjal og þessu er lýst sem mjög hlutlægu mati og ég skynja það að það hafi fram mjög hlutlægt mat á umsækjendum. Ég spurði hvort að þetta væri heppilegasti mælikvarðinn á hæfi umsækjenda sem er með svona rosalega hlutlægum hætti,“ sagði Sigríður og bætti við að einkunnagjöfin væri þannig að hún vekti spurningar. Þannig fengi einn umsækjandi einkunnina 10 fyrir menntun á meðan annar fengi 1 þrátt fyrir að hann uppfyllti að öðru leyti þau skilyrði sem snúa að menntun vegna starfsins. Eftir að drögin að umsögn lágu fyrir fengu umsækjendur viku til andmæla en nefndin gerði enga breytingu á tillögu sinni þrátt fyrir andmæli ýmissa umsækjenda. „Ég heyrði alls konar sjónarmið en það sem stóð upp úr var það að mér var alveg ljóst að þessi listi yrði aldrei samþykktur óbreyttur hér á þinginu,“ sagði Sigríður Á. Andersen, dómsmálaráðherra, á fundi stjórnskipunar-og eftirlitsnefndar um Landsréttarmálið í dag.vísir/ERNIR Var ljóst að tillaga nefndarinnar yrði aldrei samþykkt óbreytt á þingi Sigríður lýsti þá næsta skrefi sínu, í ljósi þess að hún þyrfti að leggja tillöguna fyrir Alþingi, hvort sem hún myndi fara eftir tillögu nefndarinnar eða ekki. „Ákvörðunarvaldið er klárlega í höndum Alþingis þannig að ég ræddi við formenn allra flokka því ég vildi heyra sjónarmið þeirra um þennan lista [dómnefndarinnar]. Ég heyrði alls konar sjónarmið en það sem stóð upp úr var það að mér var alveg ljóst að þessi listi yrði aldrei samþykktur óbreyttur hér á þinginu.“ Ráðherra fór því að skoða málið. „Ég hlustaði á sjónarmið formanna flokka, fór yfir andmælin og skoðaði þetta heildstætt. Ég var mjög hugsi yfir þessu excel-skjali og þessu gríðarlega hlutlæga mati sem var lagt til grundvallar og hafði greinilega ekki alltaf verið lagt til grundvallar [við skipan dómara],“ sagði Sgiríður og benti á að afar lítill munur hefði verið á þeim sem dómnefndin mat 15. hæfasta og 16. hæfasta. Þá vakti ráðherra jafnframt athygli á því að nefndin tók það sérstaklega fram í umsögn sinni að hún gerði ekki upp á milli þeirra 15 sem hún gerði tillögu um að yrðu skipaðir. Nefndin sjálf byggði því ekki á skorblaðinu við mat á því hver væri hæfastur, næsthæfastur og svo koll af kolli. „Ég nefni þetta því það hefur verið umræða um það að ráðherra hafi tekin einhvern úr einhverju sæti og sett annan úr einhverju öðru sæti en nefndin sjálf leit ekki á þetta sem sæti,“ sagði Sigríður. Landsréttur er til húsa í Kópavogi.vísir/anton brink „Þingið var í stakk búið til að hafna tillögu minni eða samþykkja“ Hún vék síðan að rannsóknarreglunum og rannsóknarskyldu sinni og nefndi að hún hefði aðeins haft tvær vikur til að vinna málið ef hún vildi breyta tillögu nefndarinnar. Sigríður sagði að henni hefði verið alveg ljóst að rannsóknarreglur stjórnsýslulaga giltu um öll störf ráðherra og ættu líka við í þessu máli. Þess vegna ræddi hún við formenn allra flokka, fór yfir andmæli, umsóknir og öll önnur gögn málsins auk þess sem hún taldi rétt og skylt að byggja á vinnu nefndarinnar. Sigríður sagði að túlka yrði rannsóknarregluna í ljósi aðstæðna. Það að ráðherra hefði aðeins tvær vikur til að fara yfir málið segði mikið um það hversu mikil rannsóknarskylda væri lögð á herðar ráðherra. „Líka það að þingið fer með ákvörðunarvaldið og þingið var í stakk búið til að hafna tillögu minni eða samþykkja.“ Ráðherra ákvað á endanum að dómarareynsla fengi meira vægi þegar hún mat umsækjendur og lagði þá umsækjendur sem höfðu áratuga athugasemdalausa dómarareynslu að jöfnu við þá 15 sem dómnefndin mat hæfasta. Þá voru 24 umsækjendur orðnir hæfastir til starfans og úr þeim hópi valdi ráðherra þá sem hún gerði tillögu um til þingsins. Helga Vala Helgadóttir, þingmaður Samfylkingarinnar og formaður stjórnskipunar- og eftirlitsnefndar Alþingis.VÍSIR/HANNA Ekki heyrt því haldið fram að þetta væri ómálefnalegt „Ég hef ekki heyrt því haldið fram að þetta sé ómálefnalegt heldur lágu málefnaleg sjónarmið að baki. Að mínu mati skoðaði ég málið eins og hægt var og gerði þessa tillögu,“ sagði Sigríður í framsögu sinni á fundi stjórnskipunar-og eftirlitsnefndar í morgun en nefndarmenn fengu svo tækifæri til að spyrja ráðherra nánar út í málið. Helga Vala Helgadóttir, formaður nefndarinnar og þingmaður Samfylkingarinnar, spurði þannig ráðherra hvort það væri enn hennar skoðun að Alþingi bæri ábyrgð á skipuninni en því var haldið fram í málsvörn ríkisins fyrir dómstólum að málaferlin ættu ekki að beinast að ráðherra heldur þinginu. „Já, það er ekki bara mín skoðun heldur kemur fram í Stjórnskipunarrétti Bjargar Thorarensen að Alþingi hefur ákvörðunarvaldið. [...] Alþingi klárlega ber ábyrgðina á skipuninni og þingið hefði getað gert hvað sem er,“ svaraði ráðherra.
Dómstólar Landsréttarmálið Tengdar fréttir Segist þegar hafa axlað pólitíska ábyrgð Skipun dómara í Landsrétt var ekki í samræmi við ráðleggingar sérfræðinga innan stjórnsýslunnar. Þannig var Sigríður Andersen dómsmálaráðherra vöruð við því að víkja frá niðurstöðu hæfisnefndar án þess að leggja sjálfstætt mat á umsækjendur. 22. janúar 2018 20:52 Birtir öll samskipti við umboðsmann Alþingis Sigríður Á. Andersen dómsmálaráðherra hefur þegar svarað umboðsmanni Alþingis sem óskaði eftir upplýsingum um ráðgjafa ráðherrans við skipan dómara við Landsrétt. Hún ætlar sér að birta öll samskipti sín við umboðsmann. 24. janúar 2018 06:00 Sérfræðingar í dómsmálaráðuneytinu vöruðu Sigríði við Íslenska ríkið gæti þurft að greiða á annað hundruð milljón krónur í skaðabætur vegna ákvörðunar dómsmálaráðherra. 22. janúar 2018 10:46 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Tuttugu konur saka Mohamed Al Fayed um kynferðisofbeldi Erlent 20 létust og 450 slösuðust þegar talstöðvarnar sprungu Erlent Vitorðsmaður viðurkennir að hafa gert það sama og Pelicot Erlent Sjálfsagt að skoða að semja við önnur ríki um að hýsa erlenda fanga Innlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Segist þegar hafa axlað pólitíska ábyrgð Skipun dómara í Landsrétt var ekki í samræmi við ráðleggingar sérfræðinga innan stjórnsýslunnar. Þannig var Sigríður Andersen dómsmálaráðherra vöruð við því að víkja frá niðurstöðu hæfisnefndar án þess að leggja sjálfstætt mat á umsækjendur. 22. janúar 2018 20:52
Birtir öll samskipti við umboðsmann Alþingis Sigríður Á. Andersen dómsmálaráðherra hefur þegar svarað umboðsmanni Alþingis sem óskaði eftir upplýsingum um ráðgjafa ráðherrans við skipan dómara við Landsrétt. Hún ætlar sér að birta öll samskipti sín við umboðsmann. 24. janúar 2018 06:00
Sérfræðingar í dómsmálaráðuneytinu vöruðu Sigríði við Íslenska ríkið gæti þurft að greiða á annað hundruð milljón krónur í skaðabætur vegna ákvörðunar dómsmálaráðherra. 22. janúar 2018 10:46