Domino's Körfuboltakvöld: Umdeild lokasókn Stjörnunnar

Umdeilt atvik kom upp á lokasekúndum leiks Stjörnunnar og Njarðvíkur í Domino´s deildinni á dögunum. Stjarnan vann leikinn í síðustu sókn sinni í leiknum en Njarðvíkingar voru ósáttir með dómarana.

Njarðvíkingar áttu villu til að gefa og gengu ansi harkalega fram í varnarleik á Collin Anthony Pryor sem lét sér hins vegar fátt um finnast og fór upp í skot, skoraði og fékk villu með því.

Málið var tekið fyrir í Körfuboltakvöldi á föstudagskvöld þar sem þeir Kristinn Friðriksson og Hermann Hauksson voru ekki á sama máli.