Stefán á leiðinni á klámhátíð í Las Vegas: „Í raun Óskarinn í hommakláminu“

„Ég er að fljúga út til Las Vegas í kvöld og svo er það rauði dregillinn í næstu viku,“ segir Stefán Octavian Gheorghe Bjarnason sem fjallað var um í Leitinni af upprunanum á Stöð 2 í vetur. Þá fór hann út til Rúmeníu og hitti þar fjölskyldu sína en hann var ættleiddur til landsins árið 1997. Stefán var í viðtali hjá Völu Eiríks á FM957 í dag. Þar kom í ljós að hann er að fara á verðlaunahátíð í tengslum við klám samkynhneigðra karlamanna.

Stefán kom til landsins árið 2000 en hann fæddist árið 1997. Í tengslum við umfjöllun um Stefán í þáttunum Leitin af upprunanum kom í ljós að hann er klámstjarna og titla sig það sjálfur.

„Þetta er í raun Óskarinn í hommakláminu. Eftir svona stuttan feril þá er þetta rosalegur heiður og rosalega gaman.“

Í mars fer Stefán aftur út til Bandaríkjanna og þá til San Francisco.

„Þá ætla ég að reyna að vinna verðlaun fyrir besta nýliðann í kláminu. Ég er á topp fimm lista af nýjum klámmyndaleikurum og ég ætla reyna að rústa því. Ég er frekar stressaður, því strákarnir sem eru á móti mér eru svo svakalega góðir.“

Hlusta má á viðtalið hér að neðan.