Falin perla í Listasafni Íslands við Tjörnina

Megináhersla Safnbúðarinnar er kynning og sala á útgáfum safnsins, listaverkakortum og plakötum. Þar er einnig fáanleg listræn gjafavara, úrval íslenskra listmuna og hönnunar. Safnbúðin leitast við að upplýsa og auka ánægju safngesta Listasafns Íslands.

Safnbúðin skapar sér sérstöðu með útgáfu á listaverkaplakötum sem fegra heimilið og hafa notið mikilla vinsælda hjá fagurkerum landsins. Sömuleiðis er mikið úrval af einstökum listaverkabókum sem gefnar eru út af Listasafni Íslands.

Hanna Hlíf, verslunarstjóri Safnbúðarinnar, leggur sig fram við að leita uppi nýjungar í íslenskri hönnun og gjafavöru sem hún kaupir beint frá hönnuði. Hún leggur metnað sinn í það að selja gjafavöru sem ekki er að finna víða annars staðar.



Það er frábær upplifun að koma inn í þessa földu perlu í hjarta Reykjavíkur, í Listasafni Íslands og gera þar góð kaup á dásemdar vörum.



OPNUNARTÍMAR:

þriðjudaga til sunnudaga kl. 11–17, lokað mánudaga.

Frekari upplýsingar í síma 515 9610 og shop@listasafn.is