Bar­áttan heldur á­fram hjá Michael Schumacher

Jean Todt, fyrrverandi liðsstjóri Ferrari í Formúlu 1 segir sjöfalda heimsmeistarann Michael Schumacher enn vera „að berjast“ eins og hann orðar það en þýski ökuþórinn lenti í skelfilegu slysi árið 2013. Express greinir frá.

Schumacher slasaðist alvarlega á höfði þegar hann var á skíðum í frönsku ölpunum árið 2013 en hann hefur ekki sést síðan að slysið varð fyrir fjórum árum. Hann var lengi á spítala en er undir stöðugri ummönnun heima hjá sér.

Todt var tekinn inn í frægðarhöll Formúlu 1 á mánudagskvöldið og hélt við tilefnið tilfinningaþrungna ræðu um Schumacher en Todt var liðsstjóri Ferrari á gullaldarárum liðsins þegar sá þýski var ósnertanlegur í rauða bílnum.

„Við söknum Michael. Hann er enn þá þarna að berjast. Baráttan heldur áfram. Michael er mér mjög sérstakur og hann var einstakur fyrir bílaíþróttir. Hann á sérstakan stað í hjarta mínu. Hann er vinur minn,“ sagði Todt.

Sabine Kehm, sem sá um öll mál fyrir Michael Schumacher, tók einnig til máls við inntöku Todt í frægðarhöllina og talaði um þann þýska sem margir telja vera þann besta í sögunni.

„Við vitum öll að Michael Schumacher ætti að vera hérna og ég veit að hann hefði elskað það. Hann bar svo mikla virðingu fyrir öllumhérna inni. Það væri honum heiður að vera hérna,“ sagði Sabine Kehm.