Afturelding áfram í Coca-Cola bikarnum

Afturelding bar sigurðorð af ÍBV 2 í Coca-Cola bikarnum í kvöld og er því komin í 16-liða úrslit keppninnar.

Lokatölur í leiknum urðu 23-39, en staðan í hálfleik var 9-22 fyrir gestina úr Mosfellsbæ.

Sigurður Bragason var markahæstur heimamanna, en hann skoraði 10 mörk fyrir ÍBV 2. Sigurður þjálfar aðallið Eyjamanna í Olís-deild karla.

Í liði Aftureldningar var Árni Bragi Eyjólfsson markahæstur, með 11 stykki. Bjarki Kristinsson skoraði 6.

Afturelding mætir Fram í 16-liða úrslitunum, en leikirnir fara fram um miðjan desember.