Kviknaði í blindfullum stuðningsmanni Bills

Fylleríið á stuðningsmönnum NFL-liðsins Buffalo Bills er löngu orðið heimsfrægt og þeim tekst enn að toppa sig.

Svo mikið er fylleríið á stuðningsmönnunum fyrir heimaleiki liðsins að það þykir með hreinum ólíkindum að enn hafi hreinlega enginn látist í stemningunni út á bílastæðinu þar sem stuðið fer fram.

Fyrir síðasta heimaleik Bills tókst einum stuðningsmanni liðsins að kveikja í sér. Það verður að teljast talsvert afrek. Einhverra hluta vegna fannst honum fyndið að hoppa á borð sem búið var að kveikja í og var löðrandi í áfengi.

Það fór ekki vel því það kviknaði í stuðningsmanninum. Hann mátti þakka fyrir að ekki fór verr eins og sjá má hér að neðan.

Dumbest thing you'll see all day pic.twitter.com/0BNW8Ixknj

— Eric Rosenthal (@ericsports) October 22, 2017