Brasað með rokkhljóð og rúnakefli Gunnþóra Gunnarsdóttir skrifar 19. október 2017 10:45 Hafdís verður með fleiri konum að spinna ull á baðstofulofti Árbæjarsafns á laugardaginn. Vísir/Stefán Við tökum að sjálfsögðu mið af umgjörðinni, hún er okkur áhrifavaldur,“ segir Hafdís Bjarnadóttir, tónskáld og ein þeirra sem standa að tónlistarhátíðinni Sláturtíð sem haldin er í Árbæjarsafni. Þar verða engar aflífanir heldur er viðburðurinn á vegum S.L.Á.T.U.R., Samtaka listrænt ágengra tónsmiða umhverfis Reykjavík. Hátíðin hefst í kvöld klukkan 20 og stendur fram á sunnudag. Hún er sú 8. í röðinni. Meðal atriða kvöldsins er sýning á fornu handverki strákanna í sjálfstjórnarhéraðinu Dráttarvél, það felst í geisladiskabrennslu og litþrykki Þyrnitúns-Sáms og annarra, Jón Guðmundsson leikur á spænskt langspil og Áki Ásgeirsson kveður upp úr rúnakefli Magnúsar Jenssonar. Um eigið framlag segir Hafdís að í kvöld klukkan 20 verði frumflutt tónlistarmyndband í Kornhúsinu sem hin finnska Lara Matikainen hafi gert fyrir hana við tónlist á nýútkominni plötu. „Á laugardaginn ætla ég að planta plötunni minni einhvers staðar þar sem fólk getur hlustað á hana í heyrnartólum í rólegheitum í gömlu húsi og þann dag ætla ég líka að vera í spunahópi kvenna með rokka og brasa svolítið með hljóðið. Við verðum undir súð í baðstofu gamla bæjarins, að sjálfsögðu.“ Dúó Harpverk verður með tónleika í Lækjargötuhúsinu annað kvöld klukkan 20 og efnisskráin er blönduð, að sögn Hafdísar. „Þar verða flutt gömul verk eftir okkur við texta úr ýmsum áttum. Á laugardaginn munu heyrast tónar úr hinum ýmsu kimum safnsins. Þá dreifir listafólkið sér og leikur fyrir almenna safngesti og alla sem eiga leið hjá. „Á Árbæjarsafni er einmitt oft opið hús um helgar þar sem fólk getur skottast um og séð og heyrt hitt og þetta, við yfirtökum það aðeins þessa helgi,“ segir Hafdís glaðlega. Hún nefnir óperu Guðmundar Steins, Einvaldsóð, sem flutt verður í gömlu Árbæjarkirkjunni klukkan 15. „Þar er takmarkaður sætafjöldi en óperan verður sýnd aftur á sunnudaginn á sama tíma,“ tekur hún fram. „Guðmundur hefur verið að grúska í gamalli íslenskri tónlist og kvæðum og byggir óperuna á texta eftir sr. Guðmund Erlendsson frá Felli í Sléttuhlíð frá 17. öld. Kvæðið segir sögu heimsins í 307 erindum. Þar er rýnt í sögu nokkurra einvelda sem innihalda sögur af dramblæti og hórdómi og því hvað veraldarhjólið er valt. Á laugardagskvöld verður svo klykkt út með píanótónleikum sem Tinna Þorsteinsdóttir er með klukkan 20, ásamt tónskáldi hátíðarinnar, Charles Ross.“ Menning Mest lesið Rokkar pils sem bol og snýr flíkum öfugt Tíska og hönnun Innblásturinn að gamanhrollvekju kom frá vídeoleigu bæjarins Bíó og sjónvarp Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Hildur Yeoman lofuð í hástert á Style Bubble Lífið Troðfull Þorlákskirkja minntist Karls Sighvatssonar Tónlist Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Brúðarbíllinn gömul dráttarvél frá langafa Lífið Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira
Við tökum að sjálfsögðu mið af umgjörðinni, hún er okkur áhrifavaldur,“ segir Hafdís Bjarnadóttir, tónskáld og ein þeirra sem standa að tónlistarhátíðinni Sláturtíð sem haldin er í Árbæjarsafni. Þar verða engar aflífanir heldur er viðburðurinn á vegum S.L.Á.T.U.R., Samtaka listrænt ágengra tónsmiða umhverfis Reykjavík. Hátíðin hefst í kvöld klukkan 20 og stendur fram á sunnudag. Hún er sú 8. í röðinni. Meðal atriða kvöldsins er sýning á fornu handverki strákanna í sjálfstjórnarhéraðinu Dráttarvél, það felst í geisladiskabrennslu og litþrykki Þyrnitúns-Sáms og annarra, Jón Guðmundsson leikur á spænskt langspil og Áki Ásgeirsson kveður upp úr rúnakefli Magnúsar Jenssonar. Um eigið framlag segir Hafdís að í kvöld klukkan 20 verði frumflutt tónlistarmyndband í Kornhúsinu sem hin finnska Lara Matikainen hafi gert fyrir hana við tónlist á nýútkominni plötu. „Á laugardaginn ætla ég að planta plötunni minni einhvers staðar þar sem fólk getur hlustað á hana í heyrnartólum í rólegheitum í gömlu húsi og þann dag ætla ég líka að vera í spunahópi kvenna með rokka og brasa svolítið með hljóðið. Við verðum undir súð í baðstofu gamla bæjarins, að sjálfsögðu.“ Dúó Harpverk verður með tónleika í Lækjargötuhúsinu annað kvöld klukkan 20 og efnisskráin er blönduð, að sögn Hafdísar. „Þar verða flutt gömul verk eftir okkur við texta úr ýmsum áttum. Á laugardaginn munu heyrast tónar úr hinum ýmsu kimum safnsins. Þá dreifir listafólkið sér og leikur fyrir almenna safngesti og alla sem eiga leið hjá. „Á Árbæjarsafni er einmitt oft opið hús um helgar þar sem fólk getur skottast um og séð og heyrt hitt og þetta, við yfirtökum það aðeins þessa helgi,“ segir Hafdís glaðlega. Hún nefnir óperu Guðmundar Steins, Einvaldsóð, sem flutt verður í gömlu Árbæjarkirkjunni klukkan 15. „Þar er takmarkaður sætafjöldi en óperan verður sýnd aftur á sunnudaginn á sama tíma,“ tekur hún fram. „Guðmundur hefur verið að grúska í gamalli íslenskri tónlist og kvæðum og byggir óperuna á texta eftir sr. Guðmund Erlendsson frá Felli í Sléttuhlíð frá 17. öld. Kvæðið segir sögu heimsins í 307 erindum. Þar er rýnt í sögu nokkurra einvelda sem innihalda sögur af dramblæti og hórdómi og því hvað veraldarhjólið er valt. Á laugardagskvöld verður svo klykkt út með píanótónleikum sem Tinna Þorsteinsdóttir er með klukkan 20, ásamt tónskáldi hátíðarinnar, Charles Ross.“
Menning Mest lesið Rokkar pils sem bol og snýr flíkum öfugt Tíska og hönnun Innblásturinn að gamanhrollvekju kom frá vídeoleigu bæjarins Bíó og sjónvarp Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Hildur Yeoman lofuð í hástert á Style Bubble Lífið Troðfull Þorlákskirkja minntist Karls Sighvatssonar Tónlist Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Brúðarbíllinn gömul dráttarvél frá langafa Lífið Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira