Einar ráðinn íþróttastjóri HSÍ

HSÍ hefur ráðið Einar Guðmundsson sem íþróttastjóra sambandsins.

Einar er 48 ára fyrrum leikmaður Selfoss í og lék með yngri landsliðum Íslands á sínum tíma. Hann hefur verið handknattleiksþjálfari í 30 ár, þjálfað í Noregi og á Selfossi þar sem hann hefur verið yfirþjálfari.

Einar hefur verið unglingalandsliðsþjálfari síðastliðin 12 ár og m.a. unnið tvívegis til verðlauna á HM unglinga; silfurverðlaun í Túnis 2009 (drengir fæddir 1990 og síðar) og bronsverðlaun í Rússlandi 2015 (drengir fæddir 1996 og síðar).

Einar er menntaður íþróttakennari og lýkur MS-gráðu í stjórnun frá Háskólanum á Bifröst nú um áramótin. Þá hefur Einar lokið 3. stigi í þjálfaramenntun HSÍ. Hann hefur starfað sem kennari og skólastjórnandi undanfarin 23 ár.