Þetta eru stúlkurnar sem taka þátt í Miss Universe Iceland í ár

Keppnin Miss Universe Iceland fer fram á mánudag og þar keppast 17 stúlkur um að fá að fara fyrir Íslands hönd í Miss Universe. Keppnin fer fram í Gamla bíó næstkomandi mánudagskvöld. 17 stúlkur keppa um titilinn í ár og verður ein þeirra krýnd Miss Universe Iceland 2017. 

Framkvæmdarstjórar keppninnar eru Jorge Esteban og Manuela Ósk Harðardóttir en kynnir kvöldsins er Eva Ruza. Alþjóðleg dómnefnd dæmir keppnina útfrá dómaraviðtölum og frammistöðu stúlknanna á sviðinu, bæði í sundfötum og síðkjólum. Í dómnefndinni eru Raquel Pelisser sem var í öðru sæti í öðru sæti í Miss Universe í fyrra, skartgripahönnuðurinn Charlie Lapson, tannlæknirinn og viðtalaþjálfarinn Dr. Carlos A. Morales og ráðgjafinn Kathy Martin-Smith en dóttir hennar var krýnd Miss Teen USA 2016. Í dómnefndinni er líka Amalie Leraand sem er þekkt fyrir baráttu sína fyrir jákvæðri líkamsímynd.