Reri með rúsínuputta í svaðilför á norðurslóðum

Óhætt er að segja að svaðilför leiðangursmanna í Polar Row leiðangrinum hafi tekið á ef marka má mynd sem einn þeirra hefur sett á Instagram. Þar má sjá hendur ólympíuræðarans Alex Gregory illa farnar eftir langan róður.

Gregory var hluti af leiðangrinum sem freistaði þess að róa frá Tromsö í Noregi til Íslands, með viðkomu á Svalbarða. Markmiðið var að verða fyrstir manna til að róa yfir Norður-Íshafið í tvær áttir, fyrst frá Tromsö til Svalbarða og svo þaðan til Íslands, nánar tiltekið til Sauðárkróks.

Líkt og Vísir hefur greint frá gekk förin greiðlega í fyrstu og sló hópurinn meðal annars heimsmet með því að róa að íshellu Norður-Íshafsins en en enginn hefur komist svo norðarlega á árabát, svo vitað sé til.

Veðrið setti þó hins vegar strik í reikninginn og fór svo að hópurinn leitaði skjóls á Jan Mayen áður en að ákveðið var að hætta við að klára síðasta legg leiðangursins, til Íslands.

Á myndinni hér fyrir neðan má sjá hendur Gregory. Í færslu á Instagram útskýrir hann að þetta sé afleiðing þess að hafa verið log engi í blautum hönskum.

A photo of my hands after spending so long in wet gloves. The blisters were never bad on this row, but the wet and damp seeped into the skin. It's been one hell of an experience! I'm so glad I was a part of @thepolarrow but I also cannot wait to be home... #rowing #recovery #wet #freezing #hands #whitewalker #oceanrowing #gruesome #homesoon

A post shared by Alex Gregory (@alexgregorygb) on Aug 30, 2017 at 4:58am PDT

„Bleytan og rakinn seytlaði in í húðina,“ skrifar Gregory sem virðist þó ekki hafa teljandi áhyggjur af ástandi handa sinna. „Þetta var ótrúleg lífsreynsla og ég er svo þakklátur að hafa tekið þátt í leiðangrinum.“

Á Instagram-síðu Gregory má sjá fleiri myndir frá leiðangrinum auk þess að lesa má um rúsínuputta á vef Vísindavefsins.