Púað á Jennifer Lawrence í Feneyjum

Kvikmyndin Mother var frumsýnd á dögunum í kvikmyndahátíðinni í Feneyjum og óhætt að segja að hún hafi fengið blendnar móttökur. Með aðalhlutverk fara Jennifer Lawrence, Michelle Pfeiffer og Javier Bardem en leikstjóri er Darren Aronofsky. 

Það var bæði púað og klappað fyrir myndinni eftir frumsýningu, en þess má geta að kvikmyndagestir hátíðarinnar í Feneyjum eru einmitt þekktir fyrir að fela ekki tilfinningar sínar í lok sýninga. Þrátt fyrir pú-ið þá hefur myndin fengið afbragðs dóma og margir spá Óskarstilnefningu nú þegar. 

Það var viðbúið að myndin fengi misjafnar viðtökur enda mjög sérstök að mörgu leyti. Til dæmis þá bera aðalpersónurnar engin nöfn, Lawrence er einfaldlega Mother og þau Pfeiffer og Bardem, man og woman.

Þess má geta að Lawrence og Aronofsky eru par og hafa verið saman síðan í fyrra, þau létu hins vegar ekki eins og sú væri raunin á rauða dreglinum en glæsileg engu að síður.