Spenntur að sjá fólkið mitt í stúkunni Óskar Ófeigur Jónsson skrifar 31. ágúst 2017 06:00 Hörður Axel Vilhjálmsson á hóteli íslenska liðsins í gær. vísir/óskaró Hörður Axel Vilhjálmsson ætti að þekkja grískan körfubolta betur en flestir aðrir í íslenska hópnum. Hann spilaði með Aries Trikala í grísku deildinni tímabilið 2015-16 en í dag verður hann í íslenska liðinu sem mætir Grikklandi í fyrsta leik sínum á Evrópumótinu í Helsinki. Hörður Axel og félagar fengu flottar móttökur í Leifsstöð og það var þá sem kviknaði fyrir alvöru á kappanum. „Þegar við fórum upp á flugvöll þá kom svona fiðringur sem ég var búinn að sakna í sjálfum mér,“ segir Hörður. Fyrsta verkefnið er ekki af minni gerðinni heldur tvöfaldir Evrópumeistarar Grikkja sem unnu Evrópumótið síðast árið 2005. Grikkir urðu í fimmta sæti á síðasta Eurobasket 2015. „Þetta er hörkulið sem við erum að fara að mæta en við erum búnir að finna nokkrar glufur á varnarleiknum þeirra sem við vonandi náum að nýta okkur til hins ýtrasta," segir Hörður Axel en þarna eru að hans mati að mætast lið sem spila ólíkan körfubolta.Af æfingu Íslands í gær.vísir/óskaróSvart og hvítt „Þetta er eins og svart og hvítt miðað við íslenskan bolta. Þeir eru alveg hrikalega agaðir, nota skotklukkuna og allir eru í sínum hlutverkum sem þeir fara ekkert út fyrir. Við verðum að reyna að brjóta það upp og sjá til hvernig þeir bregðast við því,“ segir Hörður Axel. Hann hugsar vel til tímabilsins sem hann eyddi í Grikklandi. „Ég kann mjög vel við Grikkland og Grikki yfirhöfuð. Þeir eru mjög skemmtilegt fólk og ég var mjög ánægður. Ég er líka að fara til þjálfarans núna sem var með mig í Grikklandi. Grikkir hafa reynst mér mjög vel,“ segir Hörður Axel en hann spilar í Kasakstan í vetur þar sem hann hittir fyrir Kostas Flevarakis sem þjálfaði hann hjá Aries Trikala. Hörður Axel býst við að reynslan frá EM í Berlín hjálpi strákunum að þessu sinni. „Við getum verið afslappaðri að koma inn í þetta núna því við vitum hvað við erum að fara út í. Núna langar okkur í eitthvað meira, sama hvort það kemur í úrslitum í einhverjum leikjum eða hvað,“ segir Hörður Axel.Hörður Axel í leik gegn Serbíu á EM fyrir tveimur árum.vísir/valliBestur þegar ég er á fullu Hann var mjög öflugur á Evrópumótinu og þá sérstaklega þegar kom að varnarleik og lét engan vaða yfir sig þótt það munaði oft ansi mörgum sentimetrum. „Þannig er ég bara og þannig spila ég best eða þegar ég er á fullu og er út um allt. Það mun hjálpa helling að vera þannig og finna orku í það þegar maður finnur fyrir öllum þessum stuðningi sem við erum að fara að fá. Ég er mjög spenntur að sjá fólkið mitt uppi í stúku,“ segir Hörður. NBA-stórstjarnan Giannis Antetokounmpo verður ekki með Grikkjum á EM. „Þetta er einn besti leikmaður í heimi þannig að það breytir heilmiklu. Allir leikmenn liðsins eru Euroleague-leikmenn og það er því ekki eins og það séu einhverjir kjúklingar að spila þó að hann sé ekki með,“ segir Hörður en hann bendir á eitt í tengslum við fjarveru „The Greek Freak“.Giannis Antetokounmpo spilar ekki með Grikkjum á EM.vísir/gettyVantar leiðtogann „Fljótt á litið þá finnst mér vanta einhvern leiðtoga hjá þeim sem hann hefði átt að vera og Spanoulis var fyrir. Vonandi getum við nýtt okkur það ef þetta verður jafn leikur að þeir vita ekki alveg hvert þeir eiga að leita. Kannski verða þeir óöruggir ef þeir vita ekki hver á að taka af skarið. Það er oft óþægilegt í svona liðum þegar maður er ekki alveg með hlutverkið sitt á hreinu. Þá fara einhverjir út fyrir sín hlutverk og það er það sem við ætlum að reyna að ýta þeim út í,“ segir Hörður Axel. Það efast aftur á móti enginn um hlutverk sitt í íslenska liðinu. „Við erum búnir að vera svo lengi saman að þetta er orðið helvíti heilsteypt hjá okkur. Allir eru að vinna saman í því sem við erum að gera og það skiptir öllu máli. Við munum bakka hver annan upp,“ segir Hörður Axel. EM 2017 í Finnlandi Mest lesið Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti Þurfa að sanna að þær séu konur áður en þær fá að keppa á HM Sport McGregor tapaði áfrýjun og þarf að borga konunni sem hann nauðgaði Sport Breyttir tímar hjá Man. United: Höjlund skoraði í stórsigri Enski boltinn Þrír verða heima meðan landsliðið fer til Ítalíu Körfubolti Brady í Birmingham þáttum: Efaðist strax um Rooney og kallaði leikmennina lata Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Of falleg saga til að vera ekki skrifuð í skýin Golf Hundur beit fyrrum leikmann Barcelona í punginn Fótbolti Fleiri fréttir Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur NBA stjarna sökuð um að stela tugum milljóna frá spilavítum Gamall Stjörnumaður kemur aftur til Íslands og semur við Álftanes Kynlífsleikfangi hent inn á völlinn í miðjum leik „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Sagt að hann spili ekki aftur meðan Craig er með liðið Stólarnir styrkja íslenska kjarnann með Geks Mario og Jaka í æfingahópnum fyrir EM Ásakaði LeBron um steranotkun í gríni Þreyttur á fallbaráttu og furðulegum ákvörðunum Sutton snýr aftur á Krókinn Svona er riðill Íslands í undankeppni EM Daðraði við Dallas áður en hann skrifaði undir hjá Lakers á nýjan leik Frá Skagafirði á Akranes Paul ætlar að klára ferilinn hjá Clippers Sjá meira
Hörður Axel Vilhjálmsson ætti að þekkja grískan körfubolta betur en flestir aðrir í íslenska hópnum. Hann spilaði með Aries Trikala í grísku deildinni tímabilið 2015-16 en í dag verður hann í íslenska liðinu sem mætir Grikklandi í fyrsta leik sínum á Evrópumótinu í Helsinki. Hörður Axel og félagar fengu flottar móttökur í Leifsstöð og það var þá sem kviknaði fyrir alvöru á kappanum. „Þegar við fórum upp á flugvöll þá kom svona fiðringur sem ég var búinn að sakna í sjálfum mér,“ segir Hörður. Fyrsta verkefnið er ekki af minni gerðinni heldur tvöfaldir Evrópumeistarar Grikkja sem unnu Evrópumótið síðast árið 2005. Grikkir urðu í fimmta sæti á síðasta Eurobasket 2015. „Þetta er hörkulið sem við erum að fara að mæta en við erum búnir að finna nokkrar glufur á varnarleiknum þeirra sem við vonandi náum að nýta okkur til hins ýtrasta," segir Hörður Axel en þarna eru að hans mati að mætast lið sem spila ólíkan körfubolta.Af æfingu Íslands í gær.vísir/óskaróSvart og hvítt „Þetta er eins og svart og hvítt miðað við íslenskan bolta. Þeir eru alveg hrikalega agaðir, nota skotklukkuna og allir eru í sínum hlutverkum sem þeir fara ekkert út fyrir. Við verðum að reyna að brjóta það upp og sjá til hvernig þeir bregðast við því,“ segir Hörður Axel. Hann hugsar vel til tímabilsins sem hann eyddi í Grikklandi. „Ég kann mjög vel við Grikkland og Grikki yfirhöfuð. Þeir eru mjög skemmtilegt fólk og ég var mjög ánægður. Ég er líka að fara til þjálfarans núna sem var með mig í Grikklandi. Grikkir hafa reynst mér mjög vel,“ segir Hörður Axel en hann spilar í Kasakstan í vetur þar sem hann hittir fyrir Kostas Flevarakis sem þjálfaði hann hjá Aries Trikala. Hörður Axel býst við að reynslan frá EM í Berlín hjálpi strákunum að þessu sinni. „Við getum verið afslappaðri að koma inn í þetta núna því við vitum hvað við erum að fara út í. Núna langar okkur í eitthvað meira, sama hvort það kemur í úrslitum í einhverjum leikjum eða hvað,“ segir Hörður Axel.Hörður Axel í leik gegn Serbíu á EM fyrir tveimur árum.vísir/valliBestur þegar ég er á fullu Hann var mjög öflugur á Evrópumótinu og þá sérstaklega þegar kom að varnarleik og lét engan vaða yfir sig þótt það munaði oft ansi mörgum sentimetrum. „Þannig er ég bara og þannig spila ég best eða þegar ég er á fullu og er út um allt. Það mun hjálpa helling að vera þannig og finna orku í það þegar maður finnur fyrir öllum þessum stuðningi sem við erum að fara að fá. Ég er mjög spenntur að sjá fólkið mitt uppi í stúku,“ segir Hörður. NBA-stórstjarnan Giannis Antetokounmpo verður ekki með Grikkjum á EM. „Þetta er einn besti leikmaður í heimi þannig að það breytir heilmiklu. Allir leikmenn liðsins eru Euroleague-leikmenn og það er því ekki eins og það séu einhverjir kjúklingar að spila þó að hann sé ekki með,“ segir Hörður en hann bendir á eitt í tengslum við fjarveru „The Greek Freak“.Giannis Antetokounmpo spilar ekki með Grikkjum á EM.vísir/gettyVantar leiðtogann „Fljótt á litið þá finnst mér vanta einhvern leiðtoga hjá þeim sem hann hefði átt að vera og Spanoulis var fyrir. Vonandi getum við nýtt okkur það ef þetta verður jafn leikur að þeir vita ekki alveg hvert þeir eiga að leita. Kannski verða þeir óöruggir ef þeir vita ekki hver á að taka af skarið. Það er oft óþægilegt í svona liðum þegar maður er ekki alveg með hlutverkið sitt á hreinu. Þá fara einhverjir út fyrir sín hlutverk og það er það sem við ætlum að reyna að ýta þeim út í,“ segir Hörður Axel. Það efast aftur á móti enginn um hlutverk sitt í íslenska liðinu. „Við erum búnir að vera svo lengi saman að þetta er orðið helvíti heilsteypt hjá okkur. Allir eru að vinna saman í því sem við erum að gera og það skiptir öllu máli. Við munum bakka hver annan upp,“ segir Hörður Axel.
EM 2017 í Finnlandi Mest lesið Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti Þurfa að sanna að þær séu konur áður en þær fá að keppa á HM Sport McGregor tapaði áfrýjun og þarf að borga konunni sem hann nauðgaði Sport Breyttir tímar hjá Man. United: Höjlund skoraði í stórsigri Enski boltinn Þrír verða heima meðan landsliðið fer til Ítalíu Körfubolti Brady í Birmingham þáttum: Efaðist strax um Rooney og kallaði leikmennina lata Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Of falleg saga til að vera ekki skrifuð í skýin Golf Hundur beit fyrrum leikmann Barcelona í punginn Fótbolti Fleiri fréttir Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur NBA stjarna sökuð um að stela tugum milljóna frá spilavítum Gamall Stjörnumaður kemur aftur til Íslands og semur við Álftanes Kynlífsleikfangi hent inn á völlinn í miðjum leik „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Sagt að hann spili ekki aftur meðan Craig er með liðið Stólarnir styrkja íslenska kjarnann með Geks Mario og Jaka í æfingahópnum fyrir EM Ásakaði LeBron um steranotkun í gríni Þreyttur á fallbaráttu og furðulegum ákvörðunum Sutton snýr aftur á Krókinn Svona er riðill Íslands í undankeppni EM Daðraði við Dallas áður en hann skrifaði undir hjá Lakers á nýjan leik Frá Skagafirði á Akranes Paul ætlar að klára ferilinn hjá Clippers Sjá meira