Sjáðu útsendingu Vísis frá opnun H&M í heild sinni

Margt var um manninn þegar verslun H&M á Íslandi opnaði dyrnar í Smáralind í hádeginu á laugardaginn en Vísir var með beina útsendingu frá opnuninni. Nokkur hundruð manns biðu í röð eftir að fá að komast inn en röðin náði endanna á milli í Smáralind.

Stefán Árni Pálsson og Sylvía Rut Sigfúsdóttir ræddu við tvær fremstu konurnar í röðinni, auk þess sem tískusérfræðingarnir Lína Birgitta og Stefán John Turner ræddu komu H&M til landsins.

Undir lok útsendingarinnar var síðan spjallað við Filip Ekvall, svæðisstjóra H&M á Norðurlöndunum.

Leikkonurnar Vala Kristín Eiríksdóttir og Júlíana Sara Gunnarsdóttir, sem hvað þekktastar eru sem tvíeykið Þær Tvær, héldu uppi fjörinu og starfsmenn H&M stigu trylltan dans skömmu áður en verslunin loks opnaði.

Hér að neðan má sjá útsendinguna í heild sinni.