Að duga eða drepast fyrir Chris Weidman Pétur Marinó Jónsson skrifar 22. júlí 2017 07:00 Weidman eftir þriðja tapið í röð. Vísir/Getty Það er ekki langt síðan Chris Weidman var 13-0, millivigtarmeistari UFC og einn besti bardagamaður heims pund fyrir pund. Síðan þá hefur margt breyst og berst hann gífurlega mikilvægan bardaga í kvöld gegn Kelvin Gastelum. Í júlí 2013 kom Chris Weidman öllum á óvart þegar hann rotaði goðsögnina Anderson Silva í 2. lotu. Fram að þessu hafði Anderson Silva unnið alla 16 bardaga sína í UFC á meðan þetta var aðeins tíundi bardagi Weidman á ferlinum. Weidman mætti Anderson Silva aftur í endurati og fór aftur með sigur af hólmi en í þetta sinn eftir fótbrot Silva. Hann hélt brasilísku sigurgöngunni áfram með því að vinna þá Lyoto Machida og Vitor Belfort. Síðan þá hefur fallið verið hratt. Weidman tapaði fyrir Luke Rockhold í desember 2015 og tapaði þar með millivigtarbeltinu sem hann vann af Anderson Silva. Þetta var hans fyrsta tap á ferlinum í MMA og hefur honum ekki enn tekist að rétta úr kútnum. Weidman átti að fá annað tækifæri gegn Rockhold í maí 2016 en tveimur vikum fyrir bardagann meiddist Weidman. Michael Bisping kom inn í hans stað og sáum við einhver óvæntustu úrslit allra tíma þegar hann rotaði Luke Rockhold. Bisping er enn með beltið og hefur valdatíð hans í millivigtinni verið ansi furðuleg. Weidman fékk erfiðan bardaga í endurkomu sinni þegar hann mætti Yoel Romero í nóvember í fyrra. Weidman var á góðri leið með að vinna bardagann en át fljúgandi hné frá Romero í 3. lotu. Það sem verra var að bardaginn fór fram í Madison Square Garden í New York en þar hafði Weidman dreymt um að berjast í áraraðir. Vandræðin héldu áfram er hann mætti Gegard Mousasi í Buffalo í New York. Dómarinn taldi að Weidman hefði fengið ólöglegt hné í höfuðið og gerði hlé á bardaganum. Dómarinn fékk síðar þær upplýsingar að höggin hefðu verið lögleg en á sama tíma hafði læknir úrskurðað Weidman ófæran um að halda áfram. Í fyrstu hélt Weidman að hann væri að fara að vinna þar sem Mousasi yrði dæmdur úr leik. Þess í stað var Mousasi krýndur sigurvegari enda var Weidman talinn ófær um að halda áfram eftir lögleg hnéspörk. Þriðja tapið í röð staðreynd. Það yrði enn eitt áfallið ef Weidman tapar fjórða bardaganum í röð og hreinlega verður hann að vinna í kvöld. Kelvin Gastelum hefur verið á góðu skriði undanfarið og verður erfitt próf fyrir Weidman. Gastelum er aðeins 25 ára og hefur litið vel út í millivigtinni eftir að hann færði sig þar upp. Kapparnir mætast í fimm lotu aðalbardaga kvöldsins á UFC bardagakvöldinu í Long Island í kvöld. Þetta verður þriðji bardagi Weidman í röð í New York og enn á hann eftir að næla sér í sigur í sínu heimaríki. Það má því segja að það sé að duga eða drepast fyrir Weidman ef hann ætlar að koma sér fljótt aftur í titilbaráttuna. Hann mun sennilega halda starfi sínu í UFC þrátt fyrir tap en vegurinn að titlinum yrði ansi langur eftir fjögur töp í röð. Sigur yrði mikill léttir fyrir Weidman en verður ekki nóg til að sýna að hann sé aftur orðinn sami maður og var besti millivigtarmaður heims. Bardagakvöldið verður sýnt í beinni útsendingu á Stöð 2 Sport 2 í nótt þar sem fjórir bardagar verða á dagskrá. Bein útsending hefst á miðnætti. MMA Mest lesið Alfreð og fleiri jálkar með óvænt félagaskipti yfir í Augnablik Íslenski boltinn „Heyri í mínum mönnum í FCK“ Fótbolti Allt liðið gekk út á völl í Súperman búningum Fótbolti „Mikil dramatík en verðskuldaður sigur“ Fótbolti Selvén aftur í Vestra Íslenski boltinn „Svekktur og stoltur á sama tíma“ Fótbolti Dagskráin í dag: Opna breska kvenna, Formúla 1 og enska C-deildin Sport Orri Sigurður: Ekki eins og heimurinn sé að farast Fótbolti Uppgjörið: Víkingur - Vllaznia 4-2 | Víkingar áfram eftir framlengingu Fótbolti Ólafur og Ásmundur kalla þetta gott með landsliðinu Fótbolti Fleiri fréttir Allt liðið gekk út á völl í Súperman búningum Dagskráin í dag: Opna breska kvenna, Formúla 1 og enska C-deildin Alfreð og fleiri jálkar með óvænt félagaskipti yfir í Augnablik Selvén aftur í Vestra „Mikil dramatík en verðskuldaður sigur“ „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sænska landsliðskonan Zigiotti til liðs við Rauðu djöflana Ólafur og Ásmundur kalla þetta gott með landsliðinu Uppgjörið: Víkingur - Vllaznia 4-2 | Víkingar áfram eftir framlengingu Uppgjörið: Valur - Kauno Zalgiris 1-2 | Valsmenn úr leik KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu Uppgjörið: KA - Silkeborg 2-3 | Akureyringar úr leik Holland fór illa með stelpurnar okkar í seinni hálfleik Barcelona heiðrar Kobe Bryant með sérstökum búningi Tónlist og partýstemming á Meistaramóti Íslands í tíu þúsund metrum Hafnaði Los Angeles og valdi frekar Vancouver McGregor tapaði áfrýjun og þarf að borga konunni sem hann nauðgaði Callum Lawson aftur til Valsmanna Þrír verða heima meðan landsliðið fer til Ítalíu „Í þeirra augum er það skandall ef þeir detta út á móti KA“ Sjáðu mörkin fjögur hjá United í nótt Arsenal skoraði ekki og tapaði í fyrsta leik Gyokeres Börsungar skoruðu sjö mörk í tíu marka leik Bætti fjórtán ára heimsmet um ótrúlega heila sekúndu „Þeir sannfærðu okkur um að þetta hafi verið algjörlega einstakt tilfelli“ Sjá meira
Það er ekki langt síðan Chris Weidman var 13-0, millivigtarmeistari UFC og einn besti bardagamaður heims pund fyrir pund. Síðan þá hefur margt breyst og berst hann gífurlega mikilvægan bardaga í kvöld gegn Kelvin Gastelum. Í júlí 2013 kom Chris Weidman öllum á óvart þegar hann rotaði goðsögnina Anderson Silva í 2. lotu. Fram að þessu hafði Anderson Silva unnið alla 16 bardaga sína í UFC á meðan þetta var aðeins tíundi bardagi Weidman á ferlinum. Weidman mætti Anderson Silva aftur í endurati og fór aftur með sigur af hólmi en í þetta sinn eftir fótbrot Silva. Hann hélt brasilísku sigurgöngunni áfram með því að vinna þá Lyoto Machida og Vitor Belfort. Síðan þá hefur fallið verið hratt. Weidman tapaði fyrir Luke Rockhold í desember 2015 og tapaði þar með millivigtarbeltinu sem hann vann af Anderson Silva. Þetta var hans fyrsta tap á ferlinum í MMA og hefur honum ekki enn tekist að rétta úr kútnum. Weidman átti að fá annað tækifæri gegn Rockhold í maí 2016 en tveimur vikum fyrir bardagann meiddist Weidman. Michael Bisping kom inn í hans stað og sáum við einhver óvæntustu úrslit allra tíma þegar hann rotaði Luke Rockhold. Bisping er enn með beltið og hefur valdatíð hans í millivigtinni verið ansi furðuleg. Weidman fékk erfiðan bardaga í endurkomu sinni þegar hann mætti Yoel Romero í nóvember í fyrra. Weidman var á góðri leið með að vinna bardagann en át fljúgandi hné frá Romero í 3. lotu. Það sem verra var að bardaginn fór fram í Madison Square Garden í New York en þar hafði Weidman dreymt um að berjast í áraraðir. Vandræðin héldu áfram er hann mætti Gegard Mousasi í Buffalo í New York. Dómarinn taldi að Weidman hefði fengið ólöglegt hné í höfuðið og gerði hlé á bardaganum. Dómarinn fékk síðar þær upplýsingar að höggin hefðu verið lögleg en á sama tíma hafði læknir úrskurðað Weidman ófæran um að halda áfram. Í fyrstu hélt Weidman að hann væri að fara að vinna þar sem Mousasi yrði dæmdur úr leik. Þess í stað var Mousasi krýndur sigurvegari enda var Weidman talinn ófær um að halda áfram eftir lögleg hnéspörk. Þriðja tapið í röð staðreynd. Það yrði enn eitt áfallið ef Weidman tapar fjórða bardaganum í röð og hreinlega verður hann að vinna í kvöld. Kelvin Gastelum hefur verið á góðu skriði undanfarið og verður erfitt próf fyrir Weidman. Gastelum er aðeins 25 ára og hefur litið vel út í millivigtinni eftir að hann færði sig þar upp. Kapparnir mætast í fimm lotu aðalbardaga kvöldsins á UFC bardagakvöldinu í Long Island í kvöld. Þetta verður þriðji bardagi Weidman í röð í New York og enn á hann eftir að næla sér í sigur í sínu heimaríki. Það má því segja að það sé að duga eða drepast fyrir Weidman ef hann ætlar að koma sér fljótt aftur í titilbaráttuna. Hann mun sennilega halda starfi sínu í UFC þrátt fyrir tap en vegurinn að titlinum yrði ansi langur eftir fjögur töp í röð. Sigur yrði mikill léttir fyrir Weidman en verður ekki nóg til að sýna að hann sé aftur orðinn sami maður og var besti millivigtarmaður heims. Bardagakvöldið verður sýnt í beinni útsendingu á Stöð 2 Sport 2 í nótt þar sem fjórir bardagar verða á dagskrá. Bein útsending hefst á miðnætti.
MMA Mest lesið Alfreð og fleiri jálkar með óvænt félagaskipti yfir í Augnablik Íslenski boltinn „Heyri í mínum mönnum í FCK“ Fótbolti Allt liðið gekk út á völl í Súperman búningum Fótbolti „Mikil dramatík en verðskuldaður sigur“ Fótbolti Selvén aftur í Vestra Íslenski boltinn „Svekktur og stoltur á sama tíma“ Fótbolti Dagskráin í dag: Opna breska kvenna, Formúla 1 og enska C-deildin Sport Orri Sigurður: Ekki eins og heimurinn sé að farast Fótbolti Uppgjörið: Víkingur - Vllaznia 4-2 | Víkingar áfram eftir framlengingu Fótbolti Ólafur og Ásmundur kalla þetta gott með landsliðinu Fótbolti Fleiri fréttir Allt liðið gekk út á völl í Súperman búningum Dagskráin í dag: Opna breska kvenna, Formúla 1 og enska C-deildin Alfreð og fleiri jálkar með óvænt félagaskipti yfir í Augnablik Selvén aftur í Vestra „Mikil dramatík en verðskuldaður sigur“ „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sænska landsliðskonan Zigiotti til liðs við Rauðu djöflana Ólafur og Ásmundur kalla þetta gott með landsliðinu Uppgjörið: Víkingur - Vllaznia 4-2 | Víkingar áfram eftir framlengingu Uppgjörið: Valur - Kauno Zalgiris 1-2 | Valsmenn úr leik KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu Uppgjörið: KA - Silkeborg 2-3 | Akureyringar úr leik Holland fór illa með stelpurnar okkar í seinni hálfleik Barcelona heiðrar Kobe Bryant með sérstökum búningi Tónlist og partýstemming á Meistaramóti Íslands í tíu þúsund metrum Hafnaði Los Angeles og valdi frekar Vancouver McGregor tapaði áfrýjun og þarf að borga konunni sem hann nauðgaði Callum Lawson aftur til Valsmanna Þrír verða heima meðan landsliðið fer til Ítalíu „Í þeirra augum er það skandall ef þeir detta út á móti KA“ Sjáðu mörkin fjögur hjá United í nótt Arsenal skoraði ekki og tapaði í fyrsta leik Gyokeres Börsungar skoruðu sjö mörk í tíu marka leik Bætti fjórtán ára heimsmet um ótrúlega heila sekúndu „Þeir sannfærðu okkur um að þetta hafi verið algjörlega einstakt tilfelli“ Sjá meira