Sirkus upprisinn í Þórshöfn í Færeyjum við góðan orðstír

Árnið 2007 lokaði einn frægasti barinn í Reykjavík, Sirkus. En hann fór svo sem ekki langt, hann fór hingað til Færeyja.

Jóel, þú drapst niður fæti hér fyrir níu árum?

„Níu árum í desember 2009. opnuðum við hérna. Það var mjög spennandi verkefni. Ég og Sunneve vorum búin að vera vinir lengi á Íslandi þar sem hún vann á Sirkus og ég líka, segir Jóel Briem sem rekur Sirkus í Færeyjum með Sunnevu Háberg Eysturstein.

Sirkus í eigu Sigríðar Guðlaugsdóttur lífskúnstners og veitingakonu þjónaði mjög tryggum og fjölbreyttum viðskiptahóp í Reykjavík allt frá vinsælu tónlistarfólk, skáldum og ýmsum hópum innan og utan jaðarsins. Sunnevu hafði lengi til að færa sirkusandann á heimaslóðir í Þórshöfn í Færeyjum og hlutirnir fóru að hreyfast þegar Jóel kom við hjá vinkonu sinni á leið frá Noregi til Íslands.

„Ég lenti hér með Norrænu frá Noregi og við bara kýldum á þetta og hér erum við stödd níu árum seinna,“ segir Jóel glaður í bragði. Hann var kornungur þegar hann fór að aðstoða móður sína í flestu því sem hún tók sér fyrir hendur.

Jóel er alltaf með mörg járn í eldinum og er því bara með annan fótinn í Færeyjum og þess vegna er daglegur rekstur á sameiginlegu fyrirtæki hans og Sunnevu meira og minna í hennar höndum.

„Sirkus hérna er búinn að gera það sama og Sirkus í Reykjavík gerði. Það er búið að safna fólki sem átti ekki heima neins staðar,“ segir Sunneva.

Og þá orðið til ný næturlífsmenning í kring um þennan stað hér?

„Já algerlega.“

Þannig úir og grúir af fólki á öllum aldri og áttum, en á það sameiginlegt að hafa ekki átt sér afdrep.

„Fólk sem á erfitt með að tjá sig í þjóðfélaginu kemur hingað, talar saman. Fólk sem sumt býr inn í skápnum,“ segir Sunneva.

En Sirkus hefur einmitt verið einn af aðalbakhjörlum Færeyja Pride og sæmdu þau Sirkus brautryðjendaverðslaunum á Hinsegin dögum í Þórshöfn á fimmtudag. Jóel er elskur að Færeyingum og segir þá mun yfirvegaðri en Íslendingar en þjóðirnar hafi líka gaman hver að annarri.

Færeyingarnir kalla okkur stundum Já-ara en þú ert farinn að kalla þá hvað Jóel?

„Það er kannski. Það heyrist stundum kannski. Kannski á morgun, kannski í næstu viku. En það er líka gott. Við þurfum líka að slaka á Íslendingarnir.“

Það þarf ekki allt að gerast strax?

Nei, ekki í gær, kannski á morgun,“ segir Jóel.