Innlent

Krefst 500 milljóna vegna Panama

Sunna Karen Sigurþórsdóttir skrifar
Fólkið er krafið um samtals 500 milljónir króna.
Fólkið er krafið um samtals 500 milljónir króna. vísir/anton brink
Ríkisskattstjóri hefur krafið sextán einstaklinga, sem komu fyrir í Panama-skjölunum, um tæplega hálfan milljarð króna í vangoldna skatta. Tuttugu mál til viðbótar eru til vinnslu en ekki liggur fyrir hve mikið muni skila sér í ríkissjóð þegar upp er staðið.

Frá þessu er greint á vef RÚV. Þar er jafnframt haft eftir ríkisskattstjóra að líklegt sé að allt innheimtist og að talan gæti enn hækkað.

Ríkisstjórnin keypti gögn eftir Panama-lekann svokallaða um eignir Íslendinga í skattaskjólum. Þar voru nöfn 349 einstaklinga að finna og 61 aflandsfélag með íslenska kennitölu.

Skattrannsóknarstjóri ákvað svo að rannsaka 34 nöfn sérstaklega en þau nöfn sem hann rannsakar ekki fóru á borð ríkisskattstjóra.


Tengdar fréttir

Fjármálaráðherra boðar aðgerðir gegn skattundanskotum

Benedikt Jóhannesson, fjármálaráðherra, segir að þær upplýsingar sem koma fram í gögnum um eignir Íslendinga í skattaskjólum sýni að það hafi verið rétt ákvörðun að kaupa gögnin. Búist er við því að starfshópar skili skýrslu á næstu vikum um leiðir til að koma í veg fyrir skattundanskot, meðal annars í ferðaþjónustunni.

Fleiri Panamamál rannsökuð

Af þeim 34 málum sem tekin hafa verið til formlegrar rannsóknar hjá skattrannsóknarstjóra vegna gruns um skattalagabrot sem tengjast Panamaskjölunum hefur rannsókn verið lokið í fimm málum.

Mest lesið


Fleiri fréttir

Sjá meira


×

Mest lesið