Nafn mannsins sem lést eftir slys á Selfossi

Maðurinn sem varð undir bíl á gámasvæðinu við Víkurheiði á Selfossi þann 11.júlí síðastliðinn hét Bjarki Már Guðnason. Bjarki Már var á nítjánda aldursári og búsettur á Selfossi.

Þetta kemur fram í tilkynningu frá lögreglu.

Bjarki hafði verið að sækja varahluti undan bíl, þegar tjakkurinn sem hélt bílnum uppi, gaf sig. Endurlífgunartilraunir á vettvangi báru árangur og var hann í framhaldinu fluttur á bráðamóttöku Landspítalans. Hann var úrskurðaður látinn fjórum dögum síðar.