Gunnar sveittur og flottur í svarthvítu | Myndir

Í dag eru nákvæmlega tvær vikur í að Gunnar Nelson stígi inn í búrið á bardagakvöldi UFC í Glasgow.

Þá mun Gunnar berjast við Argentínumanninn Santiago Ponzinibbio sem er í fjórtánda sæti á styrkleikalista UFC í veltivigtinni en Gunnar er í áttunda sæti. Bardagi þeirra verður aðalbardagi kvöldsins.

Gunnar hefur æft af miklum krafti upp í Mjölni undanfarnar vikur og klárt að hann mun mæta í sínu allra besta formi í bardagann.

Þessar skemmtilegu myndir af Gunnari í svarthvítu tók Sóllilja Baltasarsdóttir.