Góð silungsveiði á Jöklusvæðinu

Veiðisvæðið sem er yfirleitt kennt við Jöklu fer yfirleitt að gefa fyrstu laxana sína um byrjun júlí en þangað til er engu að síður fín veiði á svæðinu.

Veiðin afmarkast þó við ósinn í Fögluhlíðará en um þann ós gengur oft mikiðaf sjóbleikju og hún er mjög væn og falleg.  Fyrir stuttu var Árni Kristinn Skúlason leiðsögumaður með veiðimenn í ósnum og lönduðu þeir 24 fiskum, 22 bleikjum, tveimur sjóbirtingum og þar að auki misstu þeir einn lax en það er óvenjusnemmt að verða varir við laxa fyrstu vikuna í júní.  Allt veiddist þetta á Heimasætuna en hún er mjög skæð í sjóbleikjuna eins og aðrar flugur með bleikum litum án þess að sérstaklega sé kannast við ástæðuna fyrir því af hverju.

Af öðrum svæðum hjá Strengjum er fínasta silungsveiði í Breiðdalsá en veiðin þar skiptist í urriða sem veiðist í efri hluta Breiðdalsár og síðan sjóbleikju sem veiðist í ósnum.  Í heildina er búið að veiða um 150 silunga.  Sjóbleikjuveiðin eykst jafnt og þétt yfir sumarið og það er um að gera fyrir þá sem eiga leið um austurland að stoppa í einn dag þarna í bleikjuna, alveg þess virði.