Reykur við Hótel Cabin og húsnæði Vodafone rýmt vegna elds

Reykur kom upp í þvottahúsi Hótels Cabin við Borgartún á þriðja tímanum í dag. Þurrkari hafði brunnið yfir en enginn eldur kom upp. Hvorki þurfti að rýma hótelið né reykræsta, að sögn slökkviliðsins.

Nokkrum mínútum eftir að slökkviliðið var kallað út vegna reyksins barst önnur tilkynning en hún var vegna elds sem hafði kviknað í sígarettustubbum í brunni við húsakynni Vodafone í Ármúla.

Húsnæðið var rýmt, samkvæmt verklagsreglum fyrirtækisins, en eldurinn reyndist minniháttar.