Ariana Grande kemur fram í Manchester um helgina ásamt helstu stjörnum heims

Justin Bieber, Coldplay og Katy Perry eru meðal þeirra listamanna sem koma fram ásamt Ariana Grande á tónleikum sem verða tileinkaðir þeim sem létust í tónleikahöllinni Manchester Arena í hryðjuverkaárás í síðustu viku.

22 létust og tugir eru særðir en tónleikarnir fara fram á sunndaginn á krikketvellinum Old Trafford í Manchester og verður pláss fyrir 50.000 manns.

Tónleikarnir verða í beinni útsendingu á BBC og í útvarpi BBC. Aðrir sem koma fram eru: Take That, One Direction's Niall Horan, Miley Cyrus, Usher og Pharrell.

Allur ágóði tónleikanna fer til samtakanna We Love Manchester.