Kimmel snýr aftur

Þrátt fyrir að þáttastjórnandinn Jimmy Kimmel hafi grínast með að honum yrði aldrei boðið á Óskarsverðlaunahátíðina eftir síðustu hátíð mun hann kynna þá næstu. AP greinir frá.

Þetta var tilkynnt í dag en hann var einnig kynnir á síðustu hátíð þar sem klúður varð þegar tilkynnt var um hvaða mynd hafði hlotið Óskarinn fyrir bestu myndina.

Svo virðist sem að stjórnendur hátíðarinnar séu afar ánægðir með Kimmel en óvenjulegt er að kynnir hátíðarinnar sé kynntur til leiks svo snemma. Yfirleitt eru þeir valdir í nóvember eða desember ár hvert.