Gísli Þorgeir og Viktor Gísli í æfingahópi bronsliðsins

Sigursteinn Arndal og Ólafur Stefánsson hafa valið 23 leikmenn til undirbúnings fyrir HM U-21 árs liða karla í handbolta sem fer fram í Alsír í júlí.

Íslenska liðið fer til Frakklands í byrjun júlí til frekari undirbúnings og spilar þar nokkra vináttulandsleiki.

Þessi hópur lenti í 3. sæti á HM U-19 ára í Rússlandi og í 7. sæti á EM í fyrra. Það eru því eðlilega gerðar miklar væntingar til íslensku strákanna.

Í íslenska hópnum eru fjórir atvinnumenn og tveir leikmenn, Arnar Freyr Arnarsson og Ómar Ingi Magnússon, sem spiluðu með A-landsliðinu á HM í Frakklandi í janúar.

Hinir ungu og efnilegu Gísli Þorgeir Kristjánsson og Viktor Gísli Hallgrímsson, sem slógu í gegn í úrslitakeppni Olís-deildarinnar, eru einnig í æfingahópnum. Þeir eru á sautjánda og átjánda aldursári.

Ísland er í riðli með heimaliði Alsír, Króatíu, Sádí-Arabíu, Argentínu og Marokkó á HM.

Íslenski æfingahópurinn er skipaður eftirtöldum leikmönnum:

Arnar Freyr Arnarsson, Kristianstad

Aron Dagur Pálsson, Grótta

Birkir Benediktsson, Afturelding

Dagur Arnarsson, ÍBV

Egill Magnússon, TTH Holstebro

Einar Baldvin Baldvinsson, Víkingur

Elliði Snær Viðarsson, ÍBV

Nökkvi Dan Elliðason, Grótta

Elvar Örn Jónsson, Selfoss

Gestur Ólafur Ingvarsson, Afturelding

Gísli Þorgeir Kristjánsson, FH

Grétar Ari Guðjónsson, Haukar

Hákon Daði Styrmisson, Haukar

Kristján Örn Kristjánsson, Fjölnir

Leonharð Þorgeir Harðarson, Haukar

Óðinn Þór Ríkharðsson, FH

Ómar Ingi Magnússon, Aarhus

Sigtryggur Daði Rúnarsson, Aue

Sturla Magnússon, Valur

Teitur Örn Einarsson, Selfoss

Viktor Gísli Hallgrímsson, Fram

Ýmir Örn Gíslason, Valur

Þorgeir Bjarki Davíðsson, Fram