Sigurvegari Tour de France fullyrðir að það hafi verið keyrt viljandi á sig

Chris Froome, sigurvegari hjólreiðakeppninnar Tour de France í fyrra, fullyrðir að bíl hafi verið ekið viljandi á sig í dag.

Hinn 31 árs gamli Froome greindi frá því á Twitter í dag að óþolinmóður ökumaður sem hafi elt hann upp á gangstétt hefði keyrt viljandi á hann. Ökumaðurinn hefði svo haldið för sinni áfram eins og ekkert hefði í skorist.

Froome segist hafa sloppið ómeiddur en hjólið sé eyðilagt. Því til sönnunar birti hann mynd af illa förnu hjólinu.

Froome var á ferðinni rétt hjá heimili sínu í Mónakó þegar ekið var á hann.

Froome er einn sigursælasti hjólreiðamaður síðari tíma. Hann hefur þrívegis hrósað sigri á Tour de France á síðustu fjórum árum.

Just got rammed on purpose by an impatient driver who followed me onto the pavement! Thankfully I'm okayBike totaled. Driver kept going! pic.twitter.com/o7FT4iXsAo

— Chris Froome (@chrisfroome) May 9, 2017