Tveir einstaklingar nátengdir Aaron Hernandez neita að trúa því að fyrrum NFL-stjarnan hafi svipt sig lífi í gær.
Hernandez hengdi sig í fangaklefa sínum í Massachusettes í gærmorgun. Þá voru aðeins nokkrir dagar frá því að hann var sýknaður af tveim morðákærum.
Það breytti reyndar engu því hann var fyrir með lífstíðardóm á bakinu án reynslulausnar út af öðru morði.
„Það er ekki nokkur leið að hann hafi fyrirfarið sér,“ sagði Brian Murphy, fyrrum lögfræðingur Hernandez.
„Chico var enginn engill en ég og fjölskylda mín elskuðum hann. Hann myndi aldrei svipta sig lífi.“
Lögfræðingur Hernandez í síðasta morðmálinu, Jose Baez, var á sömu skoðun.
Dauðsfall Hernandez verður líklega rannsakað frekar þó svo búið sé að úrskurða að hann hafi fyrirfarið sér.
Efast um að Hernandez hafi fyrirfarið sér
Tengdar fréttir
Hernandez svipti sig lífi
Fyrrum NFL-leikmaðurinn Aaron Hernandez er látinn en hann fyrirfór sér í fangelsi í Massachusettes í nótt.
Þegar Hernandez sá dóttur sína í síðasta sinn
Það er aðeins vika síðan dæmdi morðinginn Aaron Hernandez sá fjögurra ára dóttur sína. Það var í síðasta skiptið sem þau hittust.
