Tómas með frábæra ábreiðu af lagi Kaleo

„Ég hef sungið frá því ég man eftir mér. Tók þátt i The Voice Ísland 2016-17 og datt út í Superbattles en ég var í Team Svala,“ segir tónlistarmaðurinn Tómas Helgi Wehmeier en hann er 24 ára og kemur úr Breiðholtinu.

Tómas gefur í dag út nýtt tónlistarmyndband við lagið Broken Bones en um er að ræða ábreiðu af laginu með Kaleo.

„Ég hlusta mjög mikið á Kaleo og er sveitin minn innblástur í tónlist. Hugmyndin að coverinu er eiginlega bara að Kaleo er mín uppahalds hljómsveit og mig langaði að gera mína eigin útgáfu af laginu og taka upp flott myndband.“

Tómas segir að næsta skref sé að semja á fullu og halda tónleika mjög fljótlega.