Sport

Floyd myndi drepa Conor

Henry Birgir Gunnarsson skrifar
Daniel Cormier.
Daniel Cormier. vísir/getty
Léttþungavigtarmeistarinn hjá UFC, Daniel Cormier, hefur ekki mikla trú á félaga sínum hjá UFC, Conor McGregor, í boxbardaga gegn Floyd Mayweather.

Það þarf auðvitað ekkert að fjölyrða um að þeir gætu mæst í boxbardaga síðar á þessu ári. Hinn fertugi Mayweather barðist síðast í september árið 2015 en það skiptir Cormier engu máli.

„Floyd myndi drepa Conor. Conor McGregor getur ekki boxað við Floyd Mayweather. Við skulum tala í alvörunni. Hvorugur getur hoppað inn í íþrótt hins,“ sagði Cormier sem ver titil sinn um helgina gehn Anthony Johnson.

„Ef þetta væri MMA-bardagi þá myndi Conor drepa hann. Floyd myndi ekki endast í tvær mínútur í búrinu með honum.

„Floyd Mayweather er þannig fjárhagslega stæður að hann getur samið reglurnar eftir sínu höfði. Conor mun þurfa að fara til hans og því mun Floyd lemja hann.“

MMA

Tengdar fréttir

Dana: Það verður af þessum bardaga

Bardagi Floyd Mayweather og Conor MGregor verður líklegri með hverjum deginum og nú hefur forseti UFC, Dana White, sagt að hann telji að það verði af bardaganum.

Mest lesið


Fleiri fréttir

Sjá meira


×

Mest lesið