Árleg byssusýning Veiðisafnsins á Stokkseyri haldin um helgina

Árleg byssusýning Veiðisafnsins á Stokkseyri sem í ár verður í samvinnu við verslunina Hlað verður haldin helgina 25-26.mars frá kl. 11–18 í húsakynnum Veiðisafnsins, Eyrarbraut49  Stokkseyri.

Hjálmar í Hlað og félagar sýna úrval skotvopna og búnað til skotveiða ásamt sjónaukum og aukabúnaði, til sýnis og sölu. Fjölbreytt úrval skotvopnaverður til sýnis, haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum.  Thomas Danielsen frá Blaser í Þýskalandi verður á staðnum ásamt Arnfinni Jónssyni byssusmið sem kynnir sýna vinnu.  Kynntir verða rifflar frá Blaser, Sauer, haglabyssur frá Marocchi og Blaser, einnig sjónaukar frá Zeiss og Meopta ásamt hljóðdeyfum frá Hausken, Devik og Freyr,endurhleðsluvörum frá Hornady, Redding, Lyman, Berger Bulletsog fl.

Einnig verða til sýnis skotvopn og munir frá Sverri Scheving Thorsteinssyni, Sigurði Ásgeirssyni, Einari frá Þverá, Sveini Einarssyni frv.veiðistjóra, Sigmari B. Haukssyni og Drífu-haglabyssur frá Jóni Björnssyni heitnum frá Dalvík svo eitthvað sé nefnt.  Skotvís verður einnig með kynningu á sinni starfsemi.  Allt áhugafólk um skotvopn og veiðar er velkomið, aðgangseyrir er kr.1500.- fl. og 750 kr. börn 6-12 ára.