Semur við eitt stærsta útgáfufyrirtæki heims: Glowie, Adele og Beyonce saman í liði

Söngkonan Sara Pétursdóttir, betur þekkt sem Glowie, hefur gert samning við breska útgáfurisann Columbia og mun hún gefa út plötu undir merkum fyrirtækisins. Þetta kemur fram á vefsíðu Morgunblaðsins.

Þar staðfestir Sindri Ástmarsson, umboðsmaður Glowie, fréttirnar og segir að plötusamningurinn sé einn sá stærsti sem íslenskur tónlistarmaður hafi gert á erlendri grundu.

„Þetta er bara búið að gerast svo hratt. Ég var nýkomin úr flugi þegar ég skrifaði undir og náði ekki að sofa neitt. Svo var ég bara hálfdofin restina af deginum. Þegar ég skoða myndir frá þessu sé ég hvað ég stíf, bæði þreytt og svo bara gjörsamlega agndofa yfir þessu öllu saman,“ segir Sara í samtali við Morgunblaðið.

Columbia sér um útgáfu á stærstu listamönnum og má þar nefna; Calvin Harris, Adele, Beyonce, Daft Punk, Mark Ronson, Bruce Springsteen, Robbie Williams, Foo Fithgters og Bob Dylan.

Hér að neðan má hlusta á eitt vinsælasta lag Glowie.