Íslendingar í öðru sæti í klámáhorfi miðað við höfðatölu

Íslendingar horfa næst mest á klám miðað við höfðatölu af öllum þjóðum í heiminum. Þetta kemur fram í ársskýrslu klámsíðunnar Pornhub.com fyrir árið 2016.

Samkvæmt skýrslunni horfa Íslendingar að meðaltali á 202 klámmyndbönd á síðunni á ári hverju, eða um fjögur myndbönd á viku. Eina landið sem nær að toppa Íslendinga eru Bandaríkin, en meðal Bandaríkjamaður horfir á 221 myndband yfir árið.

Þá er uppáhalds leitarorð Íslendinga „endaþarmsmök“ og deilum við því áhugamáli með frændum okkar Dönum og Svíum. Finnar leita mest að unglingum og Norðmenn að lesbíuklámi. 

Heimsmeistararnir í klámáhorfi virðast sammála Norðmönnum en Bandaríkjamenn leituðu einnig mest að lesbíuklámi á síðasta ári. 

Þetta er í fjórða skiptið sem klámsíðan Pornhub tekur saman viðlíka tölfræði og fékk síðan 902 milljarða áhorfa og 23 milljarða heimsókna frá mörgum milljónum notenda. 64 milljónir heimsóttu síðuna á hverjum degi eða um 44 þúsund á hverri mínútu. Alls var horft á 4.6 milljarða klukkutíma af klámi á síðunni árið 2016.