Drauma Saint Laurent eyrnalokkarnir loksins fáanlegir

Þegar Anthony Vaccarello sýndi sína fyrstu línu fyrir Saint Laurent í október var nokkuð ljóst að nú væru orðnar breyttar áherslur. YSL lógóð fræga var allsráðandi og nú mun almenningur loksins geta keypt einn mest áberandi fylgihlutinn úr línunni. 

YSL eyrnalokkarnir vöktu töluverða athygli á tískupallinum en þeir eru tvískiptir og stórir. Þeir munu fást í þremur litum eins og má sjá á myndinni hér fyrir neðan. Eyrnalokkarnir fara á sölu í næstu viku en þeir verða alls ekki ódýrir. Verðið á þeim mun vera frá 445 dollurum upp í 695 dollara. Við getum samt alltaf látið okkur dreyma.