Kristín Stefánsdóttir syngur á Rosenberg

Á viðburðarsíðu Fréttablaðsins í dag var sagt frá því að söngkonan Kristjana Stefánsdóttir væri með tónleika á Café Rosenberg í kvöld en sá misskilningur leiðréttist hér með. Hið rétta er að söngkonan Kristín Stefánsdóttir er með tónleikana.

Um jólatónleika er að ræða þar sem Kristín syngur undir píanóleik Hlyns Þórs Agnarssonar. Ólafur Steinarsson spilar á bassa, Guðlaugur Þorleifsson á trommur, Cetin Chalar Cetin á áslátt og Björn Kristinsson á saxafón. Rúnar Kristinn Rúnarsson verður gestasöngvari. Tónleikarnir hefjast klukkan 21.00 og miðaverð er 2.000 krónur.