Blake Lively og Ryan Reynolds frumsýna dætur sínar

Leikarahjónin Ryan Reynolds og Blake Lively voru stödd í Hollywood í gær þar sem Ryan fékk sína eigin stjörnu á Hollywood Walk of Fame. Þangað mættu þau með dætur sínar tvær. Sú eldri er tveggja ára gömul og heitir James. Sú yngri er aðeins nokkra mánaða gömul og ekki er vitað hvert nafn hennar er. 

Hjónin hafa lagt mikið uppúr því að halda dætrum sínum frá sviðsljósinu og er þetta í fyrsta sinn sem þær sjást opinberlega og myndir nást af þeim. 

Enda var í gær tilefni til þess að taka alla fjölskylduna með sér. Það er gaman að sjá þau njóta sín með börnunum og að sjá hvað eldri dóttirin James líkist mömmu sinni mikið.