Ef menn héldu að orðrómur um hnefaleikabardaga á milli Conor McGregor og Floyd Mayweather væri bara brandari þá þurfa sömu menn að fara að endurskoða þá afstöðu sína.
Írinn er nefnilega kominn með hnefaleikaleyfi í Kaliforníu og það er líklega engin tilviljun.
Þessi tíðindi koma aðeins nokkrum dögum eftir að UFC tók fjaðurvigtarbeltið af Conor. Hann hefur ekki enn tjáð sig um þá ákvörðun UFC en er líkast til brjálaður út í UFC fyrir að hafa gert það.
Ofurbardagi á milli Conor og Mayweather myndi klárlega skapa miklar tekjur fyrir báða aðila. Upphæð sem myndi taka Conor langan tíma að fá hjá UFC. Sjálfur hefur Conor sagt að hann sé til í að berjast við Mayweather fyrir 100 milljónir dollara.
Conor kominn með hnefaleikaleyfi í Kaliforníu
Tengdar fréttir
Mayweather gefst upp á Conor McGregor
Svo virðist sem öll von sé úti um bardaga á milli Floyd Mayweather og Conor McGregor.
Telur að Conor gæti rotað Mayweather í hnefaleikum
Þjálfari Eddie Alvarez, Mark Henry, var gríðarlega hrifinn af frammistöðu Conor McGregor gegn lærisveini sínum um síðustu helgi.
Segir Mayweather ekki þora í alvöru bardaga og vill 100 milljónir dala fyrir að boxa við hann
Conor McGregor kveikir aftur eld undir mögulegum ofurbardaga hans og hnefaleikakappans Floyds Mayweathers Jr.
