Viðskipti innlent

Flogið tvisvar í viku beint til Prag næsta sumar

Kolbeinn Tumi Daðason skrifar
Prag er af mörgum talin ein fallegasta borg Evrópu.
Prag er af mörgum talin ein fallegasta borg Evrópu. Mynd af vefsíðu Czech Airlines
Flugfélagið Czech Airlines hefur ákveðið að fljúga á milli Keflavíkurflugvallar og Prag í Tékklandi sumarið 2017. Flogið verður tvisvar í viku, á þriðjudögum og fimmtudögum frá 1. júní 2017 til 26. september 2017 á Airbus A319 þotum. Þetta kemur fram í tilkynningu frá Isavia.

 Prag er af mörgum talin ein fallegasta borg Evrópu. Í borginni eru glæsilegar byggingar, listaverk og sögulegar minjar, þröngar götur og fjöldi kaffihúsa og veitingastaða. Menningarlífið er fjölbreytt og áhugaverðir viðburðir alla daga.

 Hlynur Sigurðsson, framkvæmdastjóri viðskiptasviðs Keflavíkurflugvallar, fagnar því að Prag sé komin á lista áfangastaða í beinu áætlunarflugi frá Keflavík.

 „Prag er mjög falleg borg sem fjöldi Íslendinga hefur fallið fyrir í gegnum tíðina og við vonum auðvitað að sem flestir nýti sér tækifærið og heimsæki borgina næsta sumar.“

 

Fréttir af flugi


Mest lesið


Fleiri fréttir

Sjá meira


×

Mest lesið