Miklu meira en bara fataverslun

Í dag mun fyrsta tölublað Húrra Reykjavík Women's Issue líta dagsins ljós. Til þess að fagna útgáfunni verður boðið til fögnuðar á Hverfisgötu 78 frá klukkan 19.00 til 21.00. Þar verður hægt að eigna sér frítt eintak. 

Allir starfsmenn Húrra komu að gerð blaðsins en það var Svanhildur Gréta Kristjánsdóttir ritstjóri sem leiddi verkefnið áfram. Júlía Runólfsdóttir sá um hönnun og uppsetningu. Hrefna Björg Gylfadóttir og Snorri Björnsson skutu myndirnar í blaðinu. 

Efnistök blaðsins eru ansi fjölbreytt en þar er vakin athygli á kraftmiklum og áhugaverðum konum sem veita innblástur með verkum sínum. Hvað drífur þær áfram og hvert er viðhorf þeirra til lífsins. Ásamt greinum eru fjölbreyttir myndaþættir.