Tvöfaldur sigur Audi í síðasta þolakstrinum

Sú ákvörðun hefur verið tekin hjá Audi að hætta alfarið í þolakstursmótaröðinni. Síðast keppni yfirstandandi keppnistímabils var hinsvegar í Bahrain um helgina og þar gerði Audi sér lítið fyrir og skilaði tveimur bílum sínum í efstu sætin og því má segja að síðasta keppni Audi í þolakstri í bili hafi verið ánægjuleg.

Audi hafði hinsvegar ekki heildarsigur í keppnisröðinni í ár. Lucas di Grassi sem skilaði Audi bíl í fyrsta sæti með 16 sekúndna forystu á annan bíla Audi, sem ekið var af Marcel Fassler. Í þriðja sæti varð síðan Porsche bíll sem ekið var lokahringina af Mark Webber og varð hann 1:17 mínútum á eftir forystubílnum. Aðrir ökumenn hans voru hinsvegar Timo Bernhard og Brendon Hartley.

Í sjötta sæti varð hinsvegar annar Porsche bíll, með þá Neel Jani, Romain Dumas og Marc Lieb, undir stýri og það sæti dugði þeim til að vinna heildarsigur í stigakeppni mótaraðarinnar í ár. Það var Toyota sem átti bílinn í öðru sæti í keppninni í ár með ökumennina Sebastian Buemi, Anthony Davidson og Kazuki Nakajima við stýrið. Þeir þremenningar hefðu þurft að ná efsta sæti í keppninni um helgina til að eiga séns á heildarsigri í ár, en það tókst ekki.