Snjallsímarisinn Samsung heitir því að Galaxy S7, nýr snjallsími fyrirtækisins, muni ekki springa framan í notendur. Hann sé ekki háður sama rafhlöðukvilla og Galaxy Note 7. Sá sími átti það til að ofhitna svo að í honum kviknaði.
Um þetta tilkynnti Samsung í gær eftir að tækniblaðamaður hjá BGR fjallaði um að Galaxy S7 Active, eins konar sportútgáfa S7, hefði sprungið á fréttastofunni.
„Samsung er fullvisst um öryggi og gæði Galaxy S7 fjölskyldunnar. Engin staðfest tilfelli hafa borist um rafhlöðubilanir þeirra rúmlega tíu milljóna tækja sem nú eru í notkun í Bandaríkjunum,“ segir í yfirlýsingunni.
Bilanir í fyrrnefndum Note 7 urðu til mikils tekjutaps Samsung. Nú hefur sá sími hins vegar verið tekinn af markaði og úr framleiðslu.
Fréttin birtist fyrst í Fréttablaðinu.
Samsung lofar því að Galaxy S7 muni ekki springa
Tengdar fréttir
Apple og Google ná ekki að græða á klúðri Samsung
Apple og Google hafa ekki náð að nýta sér gallann á Samsung Galaxy Note 7 til að selja meira af sínum símum vegna framleiðsluskorts.
Enn kviknar í Galaxy Note 7 þrátt fyrir endurbætur
Eitt atvikanna átti sér stað í flugvél Southwest Airlines á miðvikudaginn.
Samsung stöðvar framleiðslu á Galaxy Note 7
Tilkynningar hafa borist um að eldur hafi komið upp í nýrri tegund af símum sem fólk gat skipt út fyrir eldri útgáfu sem einnig var gölluð.
Enn fleiri flugfélög banna Samsung Galaxy Note 7
Vandræði tengd nýjasta síma Samsung, Galaxy Note 7, virðast engan endi ætla að taka.
Galaxy Note 7 kostar Samsung 600 milljarða
Fyrirtækið hefur lent í miklum vandræðum með símann.
