Spice Girls komnar í hljóðver

Geri Horner og Emma Bunton, betur þekktar sem Ginger og Baby Spice úr Spice Girls, birtu mynd af sér á samfélagsmiðlinum Instagram sem aðdáendur hljómsveitarinnar voru ánægðir með.

Vinkonurnar voru báðar með hatta, standandi við upptökuborðið og á bak við þær voru hátalarar.

Stutt er síðan lagið Wannabe hélt upp á 20 ára afmælið sitt og gerðu aðdáendur hljómsveitarinnar að því skóna að Ginger og Baby Spice væru að endurhljóðblanda lagið vinsæla sem kom út í júlí 1996. Það var sjö vikur á toppi breska listans og fjórar í Bandaríkjunum. Vinsældir lagsins um heim allan og þá sérstaklega textinn sló algjörlega í gegn og komst lagið á topp vinsældarlistans í 22 löndum.

Gerry lét lítinn texta fylgja með myndinni og sagði einfaldlega. „Ég í hljóðveri.“

Mel C og Viktoria Beckham hafa neitað að taka þátt í endurfundum Spice Girls og er spurning hvort Geri og Emma myndi tríóið GEM með Mel B. Aldrei að segja aldrei.