Í viðræðum um að leika Janis Joplin

Leikkonan Michelle Williams er í viðræðum að leika sjálfa Janis Joplin í myndinni Janis sem er byggð á bók systur hennar Lauru Joplin, Love Janis sem fjallar um síðustu 6 mánuði í lífi söngkonunnar frægu en hún lést af ofneyslu eiturlyfja árið 1970, þá 27 ára gömul. 

Það er leikstjórinn Sean Durkin sem er að gera myndina en þetta er ekki eina myndin sem er í bígerð um söngkonuna. Framleiðsla á myndinni Get It While You Can, sem fjallar um einn dag í lífi Joplin og leikkonan Amy Adams fer með aðalhlutverkið, er stopp vegna málaferla. 

Báðar leikkonurnar munu eflaust rúlla upp hlutverki þessarar fræga söngkonu sem lést langt fyrir aldur fram.