Er útvítt loksins komið til að vera?

Útvíðar buxnaskálmar hafa hægt og bítandi verið að koma inn á tískuradarinn án þess þó að tröllríða öllu. Ætli það sé komið að því þetta misserið?

Við allavega mælum með því að fjárfesta í einum útvíðum buxum fyrir veturinn til að eiga sem mótvægi við þröngu buxurnar sem hafa verið ráðandi undanfarin ár. 

Hér eru nokkur snið sem má gefa gaum í leitinni að hinum fullkomna sniði. 

Gallabuxur



Gallabuxur með útvíðum skálmum passa við allt, gott er að para saman við flotta peysu, skyrtu og jafnvel belti. Dekkri tónar af gallabuxunum eru alltaf vinsælar á þessum árstíma þó að kóngablái liturinn sé alltaf flottur. 

Stuttar skálmar: 

Stuttar buxur með víðum skálmum er flott að para saman við ökklastígvélin og leyfir þeim að njóta sín, annað en síðar skálmar. Það má fara í alveg vel útvítt eða í minna - bæði er betra. 

 

Útvíðar jakkafatabuxur með broti: 

Þessa tegund af buxum má nota við jakkafatajakka eða poppa upp með litríkum peysum og skyrtum. Það er gaman að klæða buxurnar „niður“, eins og það kallast, með því að nota þessar fínu buxur við strigskónna. Svona “kasjúal chic“ eins og maður kallar það.