Tebow hitti loksins boltann

Hafnaboltaferill Tim Tebow náði loks smá flugi í gær er hann hitti loksins boltann í leik.

Hann reyndi fyrir sér fjórum sinnum í leiknum og náði að hitta einu sinni. Hann er núna 1 af 16 í tilraunum sínum með kylfuna.

Sérfræðingur segir að sveiflan hjá Tebow sé of löng og hann les flot boltans einnig frekar illa. Sérfræðingurinn segir að hann hlaupi líka vitlaust inn á vellinum. Greinilega mikið rúm fyrir bætingar hjá Tebow.

Tebow var hafnaboltastjarna í menntaskóla og það mun líklega taka hann tíma að ná takti. NY Mets samdi við hann og Tebow spilar með einu af liðum Mets sem heitir Scottsdale Scorpions.