Nýr Ford Bronco verður að veruleika

Ford hefur tilkynnt að smíði fjögurra nýrra jeppa og jepplinga í verksmiðju sinni í Michigan, þar á meðal nýrrar gerðar hins góðkunna Ford Bronco. Voru þeir jeppar fluttir inn til Íslands í skipsförmum á tímabili og enn sjást slíkir bílar á götunum.

Í þessari verksmiðju í Michigan eru nú smíðaðir Ford Focus og Ford C-Max en því veður hætt um áramótin og framleiðsla þeirra flutt í verksmiðjur í Mexíkó. Ford hefur fullvissað verkalýðsfélag starfsfólks í bílaverksmiðjum að engin störf muni tapast við það að flytja framleiðslu smærri fólksbíla sinna suður yfir landamærin vegna þess að margar nýjar gerðir bíla koma í þeirra stað og það helst jeppar og jepplingar sem seljast eins og heitar lummur vestanhafs þessi misserin.

Ford hefur aðeins látið uppi að Bronco og Ranger verði smíðaðri í Michigan en bílarnir verða fleiri og mikil uppbygging og fjárfesting mun fara fram í verksmiðjunni áður. Myndin hér að ofan sýnir ekki endanlegt útlit nýs Bronco jeppa, heldur svokallaða "rendering"-mynd, eða einskonar tillögu af nýrri gerð hans.